Foto: forbes.kz

Wlttıq bank tağı da  «Delta Bank» AQ-tıñ jeke jäne zañdı twlğalardıñ depozitterin qabıldauğa, jeke jäne zañdı twlğalardıñ bank şottarın aşuğa licenziyasın toqtata twru turalı şeşim qabıldadı. Bwl turalı banktiñ baspasöz qızmeti habarladı.

"Qazaqstan Respublikası Wlttıq Banki Basqarmasınıñ 2017 jılğı 18 mamırdağı № 78 qaulısımen 2017 jılğı 22 mamırdan bastap qosa alğanda 2017 jılğı 15 mausımğa deyin «Delta Bank» AQ-tıñ jeke jäne zañdı twlğalardıñ depozitterin qabıldauğa, jeke jäne zañdı twlğalardıñ bank şottarın aşuğa licenziyası toqtatıla twradı", - delingen baspasöz habarlamasında.

Baspasöz habarlamasında jazılğanday,  bwl şeşimdi Wlttıq Bank banktiñ banktik zañnama talaptarın jekelegen bwzuşılıqtarına qadağalauşılıq retteu jäne «Qazaqstan Respublikasındağı bankter jäne bank qızmeti turalı» Qazaqstan Respublikası Zañı 48-babınıñ 1-tarmağı v) jäne g) tarmaqşalarına säykes, tölem jäne audarım operaciyaları boyınşa şarttıq mindettemelerdi orındamau jäne prudenciyalıq normativterdi men basqa saqtaluı mindetti normalar men limitterdi bwzğanı üşin işki baqılau jüyelerin jaqsartu qajettiligi şeñberinde qabıldadı.

Licenziya jaña depozitterdi tartuğa jäne jeke jäne zañdı twlğalardıñ jaña bank şottarın aşuğa qatıstı toqtatıla twradı jäne banktiñ qoldanıstağı depozitteri men klientterine qızmet körsetuge qatısı joq.

2017 jılğı 1 mamırdağı jağday boyınşa «Delta Bank» AQ jeke twlğalarınıñ qabıldanğan depozitteriniñ kölemi 0,6 mlrd teñgeni, zañdı twlğalardıñ depozitteri 115,7 mlrd teñgeni qwraydı. Banktiñ depozittik portfeliniñ ülesi bank jüyesi depozitteriniñ jiıntıq köleminiñ 0,7%-ın qwraydı.

Ayta keteyik, bwğan deyin 2016 jıldıñ jeltoqsan ayında Wlttıq bank Qazinvestbankpen qosa Delta Bank-tiñ jeke twlğalardıñ depozitterin qabıldau, bank şottarın aşu jäne bağalı qağazdar narığındağı qızmetti jüzege asıruğa berilgen licenziyasın toqtatıp, keyin qayta qaytarıp bergen.

"The Qazaq Times"