فوتو: forbes.kz

ۇلتتىق بانك تاعى دا  «Delta Bank» اق-تىڭ جەكە جانە زاڭدى تۇلعالاردىڭ دەپوزيتتەرىن قابىلداۋعا، جەكە جانە زاڭدى تۇلعالاردىڭ بانك شوتتارىن اشۋعا ليتسەنزياسىن توقتاتا تۇرۋ تۋرالى شەشىم قابىلدادى. بۇل تۋرالى بانكتىڭ ءباسپاسوز قىزمەتى حابارلادى.

"قازاقستان رەسپۋبليكاسى ۇلتتىق بانكى باسقارماسىنىڭ 2017 جىلعى 18 مامىرداعى № 78 قاۋلىسىمەن 2017 جىلعى 22 مامىردان باستاپ قوسا العاندا 2017 جىلعى 15 ماۋسىمعا دەيىن «Delta Bank» اق-تىڭ جەكە جانە زاڭدى تۇلعالاردىڭ دەپوزيتتەرىن قابىلداۋعا، جەكە جانە زاڭدى تۇلعالاردىڭ بانك شوتتارىن اشۋعا ليتسەنزياسى توقتاتىلا تۇرادى", - دەلىنگەن ءباسپاسوز حابارلاماسىندا.

ءباسپاسوز حابارلاماسىندا جازىلعانداي،  بۇل شەشىمدى ۇلتتىق بانك بانكتىڭ بانكتىك زاڭناما تالاپتارىن جەكەلەگەن بۇزۋشىلىقتارىنا قاداعالاۋشىلىق رەتتەۋ جانە «قازاقستان رەسپۋبليكاسىنداعى بانكتەر جانە بانك قىزمەتى تۋرالى» قازاقستان رەسپۋبليكاسى زاڭى 48-بابىنىڭ 1-تارماعى ۆ) جانە گ) تارماقشالارىنا سايكەس، تولەم جانە اۋدارىم وپەراتسيالارى بويىنشا شارتتىق مىندەتتەمەلەردى ورىنداماۋ جانە پرۋدەنتسيالىق نورماتيۆتەردى مەن باسقا ساقتالۋى مىندەتتى نورمالار مەن ليميتتەردى بۇزعانى ءۇشىن ىشكى باقىلاۋ جۇيەلەرىن جاقسارتۋ قاجەتتىلىگى شەڭبەرىندە قابىلدادى.

ليتسەنزيا جاڭا دەپوزيتتەردى تارتۋعا جانە جەكە جانە زاڭدى تۇلعالاردىڭ جاڭا بانك شوتتارىن اشۋعا قاتىستى توقتاتىلا تۇرادى جانە بانكتىڭ قولدانىستاعى دەپوزيتتەرى مەن كليەنتتەرىنە قىزمەت كورسەتۋگە قاتىسى جوق.

2017 جىلعى 1 مامىرداعى جاعداي بويىنشا «Delta Bank» اق جەكە تۇلعالارىنىڭ قابىلدانعان دەپوزيتتەرىنىڭ كولەمى 0,6 ملرد تەڭگەنى، زاڭدى تۇلعالاردىڭ دەپوزيتتەرى 115,7 ملرد تەڭگەنى قۇرايدى. بانكتىڭ دەپوزيتتىك پورتفەلىنىڭ ۇلەسى بانك جۇيەسى دەپوزيتتەرىنىڭ جيىنتىق كولەمىنىڭ 0,7%-ىن قۇرايدى.

ايتا كەتەيىك، بۇعان دەيىن 2016 جىلدىڭ جەلتوقسان ايىندا ۇلتتىق بانك قازينۆەستبانكپەن قوسا Delta Bank-ءتىڭ جەكە تۇلعالاردىڭ دەپوزيتتەرىن قابىلداۋ، بانك شوتتارىن اشۋ جانە باعالى قاعازدار نارىعىنداعى قىزمەتتى جۇزەگە اسىرۋعا بەرىلگەن ليتسەنزياسىن توقتاتىپ، كەيىن قايتا قايتارىپ بەرگەن.

"The Qazaq Times"