Hasan Ruhani qaytalay prezident bolıp saylandı. Foto: Pars Today

Osıdan birer sağat bwrın Iran Islam Respublikasında ötip jatqan prezident saylau qortındı nätijesi jariyalandı. Qortındı nätije boyınşa 23 mln qoldauşınıñ dauıs berui arqılı Hasan Ruhani qaytalay Iran prezidenti bolıp saylandı. Bwl turalı «Pars.Aqparat» agenttigi habarlaydı.

Irandağı prezident saylau qorıtındısın sol eldiñ işki ister ministiri Abdurreza Rahmani jariya etti. Ol kezekti saylauğa 41 mln 200 mıñ irandıq dauıs bergenin, eldiñ osığan deyingi prezidenti Ruhani 23 mln 549 mıñ 616  saylauşınıñ qoldauımen qaytalay prezident bolğanın mälimdedi. Al saylauğa qatısqan özge kandidattardan Seyd Ibrahim Sadat ekinşi orındı ielep, 15 mln 786 mıñ 449 adam dauıs bergen. Üşinşi orınğa jayğasqan Mirsalim 478 mıñ 215 dauıstı ielegen. Mostafa Haşemi Taba 215 mıñ 415 dauıspen törtinşi ümitkerlerdiñ soñın qorıtındılağan.

Irannıñ resmi aqparat qwraldarınıñ habarına qarağanda bwl retki saylauğa 40 millionnan asa Iran azamattarı qatısıp, halıq sanınıñ 70 payızın ielegen.

“The Qazaq Times”