يرانداعى پرەزيدەنت سايلاۋدىڭ قورىتىندىسى جاريالاندى

وسىدان بىرەر ساعات بۇرىن يران يسلام رەسپۋبليكاسىندا ءوتىپ جاتقان پرەزيدەنت سايلاۋ قورتىندى ناتيجەسى جاريالاندى. قورتىندى ناتيجە بويىنشا 23 ملن قولداۋشىنىڭ داۋىس بەرۋى ارقىلى حاسان رۋحاني قايتالاي يران پرەزيدەنتى بولىپ سايلاندى. بۇل تۋرالى «پارس.اقپارات» اگەنتتىگى حابارلايدى.

يرانداعى پرەزيدەنت سايلاۋ قورىتىندىسىن سول ەلدىڭ ىشكى ىستەر ءمينيستىرى ابدۋررەزا راحماني جاريا ەتتى. ول كەزەكتى سايلاۋعا 41 ملن 200 مىڭ يراندىق داۋىس بەرگەنىن، ەلدىڭ وسىعان دەيىنگى پرەزيدەنتى رۋحاني 23 ملن 549 مىڭ 616  سايلاۋشىنىڭ قولداۋىمەن قايتالاي پرەزيدەنت بولعانىن مالىمدەدى. ال سايلاۋعا قاتىسقان وزگە كانديداتتاردان سەيد يبراھيم سادات ەكىنشى ورىندى يەلەپ، 15 ملن 786 مىڭ 449 ادام داۋىس بەرگەن. ءۇشىنشى ورىنعا جايعاسقان ميرساليم 478 مىڭ 215 داۋىستى يەلەگەن. موستافا ھاشەمي تابا 215 مىڭ 415 داۋىسپەن ءتورتىنشى ۇمىتكەرلەردىڭ سوڭىن قورىتىندىلاعان.

يراننىڭ رەسمي اقپارات قۇرالدارىنىڭ حابارىنا قاراعاندا بۇل رەتكى سايلاۋعا 40 ميلليوننان اسا يران ازاماتتارى قاتىسىپ، حالىق سانىنىڭ 70 پايىزىن يەلەگەن.

“The Qazaq Times”