Merekelik şerudegi Amerika balaları. Foto: history.com

Meniñ qolım öte kişkene, meyli qay uaqıtta bolsın sizder meniñ mültiksiz is isteuimdi talap etpeñiz. Meniñ ayaqtarım da kişkentay, özderiñizben ilesip otırsın deseñizder, aqırın jüriñizder.

Men sizder siyaqtı köpti körgen joqpın. Sizder meni orınsız şektey bermey, öz betimşe baqılau jasap, oy tüyuime mümkindik beriñizder.

Äke men bala. Foto: fonstola.ru

Üy jwmısı tausılıp bermeydi. Al, meniñ balalıq şağım az ğana. Sizder mağan ara-twra uaqıt bölip, ömirlik mäni bar qızıqtı oqiğalardı äñgimelep twrıñızdar. Meni änşeyin bir köñil köteretin oyınşıq retinde qaramañızdar.

Meniñ sezimderim öte näzik. Sizder küni boyı qazımırlanıp wrsa bermey, mağan sezimtaldıqpen mämile jasañızdar. Özderiñizge qanday poziciya wstansañızdar, mağan da sonday tüsinikpen qarañızdar.

AQŞ jalauın kötergen balalar. Foto: world.fedpress.ru.

Men Täñirdiñ sizderge sıylağan erekşe tartuınıñ birimin. Meni ayalay biliñizder. Bauırlarıñızğa basıp, erkeletken kezderde, is-äreketterim jöninde aqıl aytıñızdar. Nege süyenip ömir süretinim turalı jön silteñizder, adamdarmen ibalı, mädenietti boludıñ jolın üyretiñizder.

Men sizderdiñ köñil bölip, jigerlendirip otırğandarıñızğa mwqtajbın. Ünemi sın aytıp köñilimdi tüsire bermeñizder. Esteriñizde bolsın, sizder meniñ özimdi emes, qate jibergen isterimdi ğana sınaularıñızğa boladı.

Sosın, mağan erkindik berip twrıñızdar. Özime tiisti şarualardı özim isteytin bolayın. Qatelikke boy aldıruıma, sätsizdikke wşırauıma da tüsinistikpen qarañızdar. Söytip jürip dwrıs joldı tauıp alamın.

Bir sarındı jwmıstı mağan qayta-qayta istete bermeñizder. Jwmıs isteudiñ oñay emes ekenin men de bilemin. Alayda, ağa, äpkelerimmen salıstıruğa wrınbañızdar.

Amerikalıq balalar ata-anasımen. Foto: youtube.com

Aptanıñ soñğı künin menimen birge ötkizuden qaşqaqtamañızdar. Äke-şeşeleri kişkentay balalarınıñ qızığına qanday kenelgisi kelse, balaları da ata-anasınıñ meyirine sonday bölengisi, alğısı keledi.

Audarğan: Şolpan

«The Qazaq Times»