Reks Tillerson: AQŞ-Resey qatınasın jaqsartudan ümit joq

AQŞ Memlekettik hatşısı Reks Tillerson 14 mamır küni jurnalisterdi qabıldağan kezde, AQŞ pen Resey arasındağı kelispeuşilikterdi oñaudıñ asa qiın ekenin ayttı. Ol sözinde: «Eki el qatınasın bir qalıpqa keltirudiñ tetigi tabıla qoymaydı», – dedi.

Reseydiñ sırtqı ister ministri Sergey Lavrov ötken aptada Uaşington saparında bolıp qayttı. AQŞ prezidenti Donal'd Tramp pen memlekettik hatşısı Reks Tillersonmen kezdesip, kelissöz jürgizdi. Biraq kelissözder ekijaqtı qarım-qatınastardı jaqsartu üşin optimistik twrğıda qalıp qoydı. Tillerson 14 mamır küni NBC arnasındağı telebağdarlamada aytqan pikirinde: «AQŞ-Resey qarım qatınası bar bolğanı qırği-qabaq soğıs jıldarınıñ eñ tömengi şegine tüsirildi. Bäri birdey özara senimdilik deñgeyi öte tömen bolıp twr», –  dedi. Ol jäne de: «Bwl twtas älem üşin salauattı qarım-qatınas deñgeyi bolıp sanalmaydı. Eger biz qarım-qatınası  qazirgidey eñ tömen deñgeyde wstap twratın bolsaq, bizge, Amerika halqına, bizdiñ wlttıq qauipsizdigimiz jäne basqa da jaqtar üşin de  salauattı qarım-qatınas bolıp tabılmaydı», – degen pikirin bildirdi.

Tillerson: «AQŞ pen Reseydiñ ötkeni men keşken tarihında ayırmaşılıqtar zor. Bwl ayırmaşılıqtardıñ olardıñ bügingi qarım-qatınasında äser etpeui mümkin emes.  Şın mänisinde, eki el qatınasın tolıqtay qalpına keltiru» degenniñ özi tozığı jetken söz. Siz qalpına keltiru mümkin dep oylarsız, biraq ötkenge barıp, tarihtıñ bärin qayta jaza almaymız», – dedi.

Bwrınğı prezident Barak Obama prezidenttiktiñ alğaşqı ökilettilik merziminde AQŞ-Resey qatınasındağı wstanımı «Basınan qayta qwru» boldı. Alayda, eki el arasındağı ıntımaqtastıq pen senimdilikti qolğa keltire almadı. Prezidenttiginiñ ekinşi kezeñinde Ukraina dağdarısı tuıldı da, Reseyden birjola küder üzip «mwzdatu» wstanımın wstandı.

Al, Tramp prezident saylau qarsañında talay märte AQŞ-Resey qarım-qatınasın jaqsartatının mälimdegen edi. Ol Putinmen jekelegen ıntımaqtastıqtı jaqsartıp, eki el arasında  terrorizmge qarsı birlesken jobalardı iske asıratındarın aytqan bolatın. Tipti onı Uaşingtondağı şendiler «reseyşil» dep atadı. Alayda Tramp prezident tağına otırğannan keyin jağdaydıñ mülde basqa ekenine közi jetti.

Ötken jılğı AQŞ-tağı prezident saylauında Reseydiñ aralasqanı turalı swrağanda Tillerson: «Reseylikter bizdegi saylau procesimen oynauğa tırısadı. Bwl eşqanday da kümän keltiretin is emes. Biraq, bwnıñ soñğı nätijesi qalay boldı degenge keler bolsaq, biz bärimiz Reseydiñ aralasuınan eşteñeniñ bülinip ketpeytinin köre aldıq», – dep jauap berdi.

“The Qazaq Times”