Foto: ParsToday

"Fars" aqparattıq agenttiginiñ payımdauınşa Süriya turalıKeñsesi AQŞ-ta ornalasqan wlıbritaniyalıq Al Jazeera arnası jäne Lañkestik toptardıñ müşesi bolıp tabılatın Valid Hendi arab jäne türkiyalıq arnalardıñ Süriya dağdarısında bwl eldiñ jüyesine qarsı jalğan beyne jasau arqılı äreket etip jatqanın moyındadı.
Valid Hendi "Aq qalpaqtarmen" birigip, Aleppoda himiyalıq bombalau sahnaların tüsirip, bwl video tüsirilimdi türkiyalıq arnanıñ jüzege asırğanın moyındadı. Sonımen qatar, ol lañkestik toptardıñ bireuine qosılıp, üş jıl boyı jergilikti keñes jäne Parsı şığanağı töñiregindegi arab elderiniñ demeuşilerinen qomaqtı soma alıp otırğanın rastadı.
Bwqaralıq aqparat qwraldarınıñ işinde basqa salalarğa qarağanda telearna jäne sputniktik arnalardıñ mañızdılığı sonşalıqtı, keybir äleumettanuşılar telearnanı "eñ qwdiretti aqparat qwralı" dep ataydı. Şamamen 1950 jıldardan bastap teledidar qoğamdıq twtınu önimi retinde qoldanısqa endi. Sebebi, qarapayım halıqtan ziyalı qauımğa deyin barşa teledidardı paydalana bastadı. Al basqa aqparat qwraldarınıñ, mäselen, baspasöz nemese jaña aqparat qwraldarınıñ özindik erekşe oqırmandarı bar. Martin Şou öziniñ "Azamattıq qoğam jäne älemdik dağdarıstağı BAQ" attı kitabında: "BAQ basqa kez kelgen äleumettik mekemege qarağanda zorlıq-zombılıq pen soğıstardıñ qwrbandarın köbirek körsetedi. BAQ qoğamdıq pikir arqılı sayasatqa öz äserin tigizip otıradı",- dedi.
Süriya jüyesine qarsı memleketter, äsirese Arab elderi men Türkiya Süriya dağdarısı jağdayında Süriya jüyesine qarsı sayasat jürgizu üşin özine täueldi BAQ ökilderin paydalanğan. Sonday BAQ ökilderiniñ qatarına Katardıñ Al Jazeera arnası keri äserli beyne jasau, jalğan beyne qalıptastıru jäne ötirik fil'mder tüsiru arqılı Süriya jüyesine qarsı äreket etude.
Mısalı, Al Jazeera arnasınıñ Süriya dağdarısına qatıstı jañalıqtarı, habarlamaları men bağdarlamaları onıñ Katar ükimetiniñ uaqıt öte kele küşeyip bara jatqan sayasattarımen bağıttas bolıp, Süriya jüyesine qarsı soğıs jürgizuge ıntalandıratın sekildi. Amerikalıq Al Jazeera arnası 2013 jıldıñ tamızdıñ jiırması küni Süriya jüyesin öz qarsılastarına qarsı himiyalıq qaru qoldandı dep ayıptağan aytqan alğaşqı arna boldı. Bwl arna uäjderin däleldeu üşin köptegen jalğan suretterdi jariyalağan bolatın. Keñsesi AQŞ-ta ornalasqan wlıbritaniyalıq Al Jazeera arnası 2013 jılı tamızdıñ 26-31 künderi bes künniñ işinde Süriya dağdarısı turalı wzın sanı 321 habarlama men 26 sağattıq habar men swhbattar tarattı. Bwlardıñ barlığı qoğamdıq pikirdi bwrmalau maqsatında Süriya jüyesine qarsı äskeri şabuıl jasau qajettigin tudıru üşin jasalğan bolatın.
Osı turalı aytqan sözinde Valid Hendi: ""Aq qalpaqtar" himiyalıq şabuıl sıltauımen bizge arnayı qorğanıştıq kiim-keşek äkeldi. Osı jalğan şabuıldı videoğa tüsiru kezinde "Aq qalpaqtar" qauip-qater dabıldarın qağıp, jaraqattanğan adamdardı tasımaldau üşin arnayı zembil de dayındap qoyğan edi. Sodan keyin Süriya äskerin şabuıl jasadı dep ötirik ayıptau üşin osı beyne materialdardı ğalamtor jelisine saldıq",- dep moyındadı.
Valid Hendi sekildi lañkester arab elderinen alıp otırğan aqşası üşin "Aq qalpaqtar" attı wyım şeñberinde Süriya jüyesine qarsı osınday jalğan beyne jasaumen aynalısadı. Al "Al qalpaqtar" özderin maqsatı Süriya soğısı kezinde jaraqat alıp, japa şekken adamdarğa kömektesu sanalatın azamattıq erikti wyım retinde körsetkisi keledi.

“The Qazaq Times”