Guterriş jäne Andjelina Djoli Foto: sina.com.cn

BWW-nıñ jaña Bas hatşısı 2 qañtar küni resmi türde qızımetine kiristi. Bwl lauazımğa Antoniu Guterriş layıq sanalıptı. 

Portugaldıq sayasatkerdiñ ömir jolı asa kürdeliligimen erekşelenedi. Älemdik BAQ Guterriştiñ jastıq şağın körkem sözdermen beynelep üyrengen. Sayasatker retinde 1995 jılı 46 jasında Portugaliyanıñ premer-ministri bolıp közge tüsken. Alayda, onıñ bwl qızımeti tabıstı bola qoyğan joq. 2002 jılğa kelgende 53 jastağı Guterriş öz erkimen otstavkağa ketti. Sodan keyin ol Portugaliyadağı barlıq sayasi kapitaldarınan bas tartıp, BWW-nıñ zeynet aqısına iek süyedi. Alayda, BWW-dağı özine tiesili bosqındardı bir jaylı etu isinde de auır qiınşılıqtardı bastan keşirdi. Sebebi, ol kezde BWW Joğarı komissarınıñ bosqındar isi jönindegi basqarmasına (JKBİB) dau-jañjaldıñ uşığıp twrğan kezi bolatın. Afrika bosqındar isiniñ oñalmauına baylanıstı atalğan basqarmanıñ bedeli mülde tömendegen kez edi.

BWW-nıñ jaña Bas hatşısı Antoniu Guterreş. Foto: 112.ua

2005 jılı Guterriş JKBİB-nıñ bas direktorlıq qızımetin osınday bir auır kezeñde öz moynına aldı jäne jağdaydı birjaylı etu üşin batıl şeşimge bardı. Ol bolsa –  Afrika balalarına kömek jasaudı nasihattau turalı tanımal aktrisa Andjelina Djolimen selbestik jasau bolatın. Bwl selbestik birden sättilikke wlasıp ketken joq. Ol kezde basqarmanıñ älem aldında eşqanday bedeli joq, Andjelina Djoli da bwğan şarasız bolatın. Tipti, tanımal aktrisanıñ bedeline de daq tüsken edi. Osınıñ sebebinen psihikalıq nauqasqa da şaldığıp, em qabıldauğa deyin barğan bolatın. Alayda, Guterriş Andjelina Djolimen bolğan baylanısın tabandı jalğastırıp, basqarmanıñ qoğamdıq pikirdegi bedelimen qosa, kezdesken qiınşılıqtarında şeşip şıqtı. Ol özinen bwrınğı Bas hatşı Pan Gi Munnıñ da talay auır sögisine qalğan kezderi bolğan edi.

Biraq, osı qiınşılıqtardı tabandı şeşu onıñ älem aldındağı bedelin tiktedi. Kez-kelgen älemdik iske säl qaramaytın jauapkerşiligi, tabandı pikir tanıtpaytın  Pan Gi Munğa qarağanda, onıñ BWW Bas Assambleyasındağı ornın joğarılattı. Älmdik BAQ-ta Pan Gi Munğa qarağanda jaña Bas hatşı turalı tek alqaular aytılıp jatır. BWW bas hatşılıq qızımeti pärmendi jer bolğanımen, key isterde BWW-nıñ özi de pikir men közqaras jağınan beytarap qalıp jatadı. Sonday sätterde är elge barıp moral' men «adam qwqı», «senim bostandığı» dep ügit-nasihat jasamasa da, aldıñğı bas hatşı sındı bwğıp qalmay, azamattıq pikiri ayqın twrğanı abzal dep qaraymız.

"The Qazaq Times"