بۇۇ-عا جاڭا باس حاتشى كەلدى

بۇۇ-نىڭ جاڭا باس حاتشىسى 2 قاڭتار كۇنى رەسمي تۇردە قىزىمەتىنە كىرىستى. بۇل لاۋازىمعا انتونيۋ گۋتەرريش لايىق سانالىپتى. 

پورتۋگالدىق ساياساتكەردىڭ ءومىر جولى اسا كۇردەلىلىگىمەن ەرەكشەلەنەدى. الەمدىك باق گۋتەرريشتىڭ جاستىق شاعىن كوركەم سوزدەرمەن بەينەلەپ ۇيرەنگەن. ساياساتكەر رەتىندە 1995 جىلى 46 جاسىندا پورتۋگاليانىڭ پرەمەر-ءمينيسترى بولىپ كوزگە تۇسكەن. الايدا، ونىڭ بۇل قىزىمەتى تابىستى بولا قويعان جوق. 2002 جىلعا كەلگەندە 53 جاستاعى گۋتەرريش ءوز ەركىمەن وتستاۆكاعا كەتتى. سودان كەيىن ول پورتۋگالياداعى بارلىق ساياسي كاپيتالدارىنان باس تارتىپ، بۇۇ-نىڭ زەينەت اقىسىنا يەك سۇيەدى. الايدا، بۇۇ-داعى وزىنە تيەسىلى بوسقىنداردى ءبىر جايلى ەتۋ ىسىندە دە اۋىر قيىنشىلىقتاردى باستان كەشىردى. سەبەبى، ول كەزدە بۇۇ جوعارى كوميسسارىنىڭ بوسقىندار ءىسى جونىندەگى باسقارماسىنا (جكبىب) داۋ-جاڭجالدىڭ ۋشىعىپ تۇرعان كەزى بولاتىن. افريكا بوسقىندار ءىسىنىڭ وڭالماۋىنا بايلانىستى اتالعان باسقارمانىڭ بەدەلى مۇلدە تومەندەگەن كەز ەدى.

بۇۇ-نىڭ جاڭا باس حاتشىسى انتونيۋ گۋتەررەش. فوتو: 112.ua

2005 جىلى گۋتەرريش جكبىب-نىڭ باس ديرەكتورلىق قىزىمەتىن وسىنداي ءبىر اۋىر كەزەڭدە ءوز موينىنا الدى جانە جاعدايدى ءبىرجايلى ەتۋ ءۇشىن باتىل شەشىمگە باردى. ول بولسا –  افريكا بالالارىنا كومەك جاساۋدى ناسيحاتتاۋ تۋرالى تانىمال اكتريسا اندجەلينا دجوليمەن سەلبەستىك جاساۋ بولاتىن. بۇل سەلبەستىك بىردەن ساتتىلىككە ۇلاسىپ كەتكەن جوق. ول كەزدە باسقارمانىڭ الەم الدىندا ەشقانداي بەدەلى جوق، اندجەلينا دجولي دا بۇعان شاراسىز بولاتىن. ءتىپتى، تانىمال اكتريسانىڭ بەدەلىنە دە داق تۇسكەن ەدى. وسىنىڭ سەبەبىنەن پسيحيكالىق ناۋقاسقا دا شالدىعىپ، ەم قابىلداۋعا دەيىن بارعان بولاتىن. الايدا، گۋتەرريش اندجەلينا دجوليمەن بولعان بايلانىسىن تاباندى جالعاستىرىپ، باسقارمانىڭ قوعامدىق پىكىردەگى بەدەلىمەن قوسا، كەزدەسكەن قيىنشىلىقتارىندا شەشىپ شىقتى. ول وزىنەن بۇرىنعى باس حاتشى پان گي مۋننىڭ دا تالاي اۋىر سوگىسىنە قالعان كەزدەرى بولعان ەدى.

بىراق، وسى قيىنشىلىقتاردى تاباندى شەشۋ ونىڭ الەم الدىنداعى بەدەلىن تىكتەدى. كەز-كەلگەن الەمدىك ىسكە ءسال قارامايتىن جاۋاپكەرشىلىگى، تاباندى پىكىر تانىتپايتىن  پان گي مۋنعا قاراعاندا، ونىڭ بۇۇ باس اسسامبلەياسىنداعى ورنىن جوعارىلاتتى. المدىك باق-تا پان گي مۋنعا قاراعاندا جاڭا باس حاتشى تۋرالى تەك القاۋلار ايتىلىپ جاتىر. بۇۇ باس حاتشىلىق قىزىمەتى پارمەندى جەر بولعانىمەن، كەي ىستەردە بۇۇ-نىڭ ءوزى دە پىكىر مەن كوزقاراس جاعىنان بەيتاراپ قالىپ جاتادى. سونداي ساتتەردە ءار ەلگە بارىپ مورال مەن «ادام قۇقى»، «سەنىم بوستاندىعى» دەپ ۇگىت-ناسيحات جاساماسا دا، الدىڭعى باس حاتشى سىندى بۇعىپ قالماي، ازاماتتىق پىكىرى ايقىن تۇرعانى ابزال دەپ قارايمىز.

"The Qazaq Times"