Foto: Lenta.ru

Iraktıñ ükimet armiyası DAIŞ-tıñ qolında twrğan sol eldiñ ekinşi iri qalası Mosuldı ramazan ayınan bwrın qaytarıp alamız dep senim bildirdi. Iraktıñ Bas qolbasşılıq ştabınıñ bastığı Osman Ganimi Mosul qalasın aralap şıqqannan keyin osı mälimdemesin jariyaladı. Bwl turalı «Anatolı» aqparattıq agenttigi habarlap otır.

Osman Ganimi sözinde: «Irak halqına ramazan ayı bastaludan bwrın (Biılğı mwsılmandardıñ oraza ayı 27 mamırda bastaladı) DAIŞ-tı talqandap, lañkesterden tazartılğan Mosul qalasın qaytarıp beremiz», – dep senim bildirdi. Ol bwl retki äskeri operaciyada ükimet armiyası şabuıl tebinin bwrınğıdan da arttırıp, Mosuldağı DAIŞ-tıñ soñğı bekinisterin swrapıl soqqımen basıp almaq ekenin de aytıp ötti. Oğan qosa Osman Ganimidiñ aytuınşa, bwl ret Irak armiyası eş eldiñ qarulı qosının kömekke şaqırmaydı. Osıdan bwrın Irak armiyasınıñ AQŞ äue küşteriniñ qoldauımen Mosulğa köp iret şabuıl jasap basıp kirgenin bilemiz.

2014 jıldıñ qırküyek ayınan beri halıqaralıq eñ ülken DAIŞ terrorlıq wyımı Iraktıñ Mosul qalasın basıp alğan edi. Iraktıñ soltüstigine jäne mañızdı qatınas dälizine ornalasqan Mosul qalası lañkesterdiñ qolına ötkeli beri, Süriya men Irakqa tınıştıq bergen emes. Ötken jılı qazan ayınan bastap Mosuldı azat etu şayqasın Irak ükimeti birneşe eldiñ kömegimen bastağan bolatın.

“The Qazaq Times”