Resey Federaciyasınıñ ekonomikalıq damu ministri Maksim Oreşkin "Rossiya24" telearnasına bergen swhbatında import kölemi artqan jağdayda jaz mezgilinde rubl'diñ älsireui mümkin ekenin aytadı. 

"Alıs şetelden keletin importtıq tauarlardıñ kölemi jıl basınan beri 20–25%-dı qwradı. Eger bwl körsetkiş jaz aylarında da saqtalatın bolsa şotta tapşılıq payda boladı. Ärine mwnday jağdaydan keyin rubl' qwnınıñ joğarı boluı ekitalay", - deydi ministr.

Ol qazirgi kezde Reseydiñ aktivter qatarına şeteldik kapital qosılıp jatqandıqtan rubl' nığayıp jatqanın atap ötti. Al bwdan bwrın ol mezgildik faktorlarğa qatıstı tölem balansınıñ naşarlauı saldarınan 2017 jıldıñ ekinşi jäne üşinşi toqsanında reseylik valyutanıñ älsireui mümkin ekenin eskertken.

Reseydiñ ekonomikalıq damu ministrliginiñ boljauınşa, aldağı aylarda rubl'diñ 1 dollarğa şaqqandağı qwnı 63-64 rubl' şamasında, al 2018 jılı 70,8 rubl' şamasında boladı.

Al Qazaqstan men Resey ekonomikasınıñ tığız baylanısta ekenin eskersek, bwl elimizdiñ wlttıq valyutasına äser etui ğajap emes. Degenmen, ötken aptada Qazaqstan damu bankiniñ basqarma törağası Bolat Jämişev "Teñge bağamı qazir nıñayıp keledi, sondıqtan bağam kürt özgerip ketedi dep oylamaymın. Deval'vaciyanıñ belgili bir kezeñi boluı mümkin, desek te oñ dinamikanı qwldıratatın «mina» bar dep eseptemeymin" dep pikir bildirgen edi.

“The Qazaq Times”