Donal'd Tramp. Foto: Time

AQŞ prezidenti Donal'd Tramp beysenbi küni söylegen sözinde öziniñ Ädilet ministrliginiñ vice-ministri Rod Rosensteynniñ (Rod Rosenstein) wsınısı boyınşa FBI-dıñ basşısı Jeyms Komidi jwmıstan bosatqanın ayttı. Onıñ aytuınşa bwl wsınıstı qabıldap aludan bwrın da Komidi jwmıstan bosatuğa äzir eken. Alayda Aqüy şeneunikteriniñ sözine qarağanda, prezident bwl şeşimge keluine ädilet ministriniñ orınbasarınıñ jäne bas prokuror Jeff Sessionstiñ wsınısı bastı sebepker bolğan. NBC-diñ aytuınşa, AQŞ jergilikti uaqıtımen beysenbi keşte Tramptıñ osı şeşimi turalı arnaulı habar taratadı.

“The Wall Street Journal” basılımınıñ habarlauınşa, atın aytqısı kelmegen AQŞ joğarı şendileriniñ bireui Jeyms Komidiñ ötken aptada Ädilet ministirligine wsınıs joldap, Reseydiñ 2016 jılğı AQŞ prezident saylau isine aralasqanın tekseru kerektigin aytqan. Mine bwl wsınısı Komidiñ jwmıstan bosatıluına bastı sebep boldı deuge boladı. Aqüy seysenbi küni jariyalağan mälimdemesinde Komidiñ jwmıstan bosatıluı Hillari Klintonnıñ jekelik elektrondı poşta sandığın aqtaru äreketi dep körsetken edi.

AQŞ-tıñ köptegen şeneunikteri Komidiñ jwmıstan bosatılu isine alañdauşılıq bildirude. Resey men Tramp arasındağı qarım qatınastı teksermekşi bolğan FBI basşısınıñ jwmıstan quıluı, şınında prezidentterine degen kümändi arttıra tüspek. Joğarıdağı AQŞ resmi ökilderiniñ aytuınşa, Komi düysenbi küni keybir Kongres müşelerine Ädilet ministrliginen Reseydiñ AQŞ prezident saylau isine aralasqanın tekseru jwmısına köbirek qarjılıq qoldau körsetuin talap etkenin aytqan.

Mine osılardıñ bärin saraptay kele, AQŞ şendileriniñ öz prezidentterine degen kümän-küdiginiñ arta tüskenin, oğan Tramptıñ Komidi jwmıstan bosatuı sebepşi bolğanın biluge boladı. İstiñ tura betine qarar bolsaq 2016 jılğı AQŞ prezident saylauına Reseydiñ aralasu isi aşılar bolsa, Tramptıñ az bolmağan qwpiyalığı aşıluı mümkin. Sonıñ aldın alu üşin aybarlı wyımnıñ bastığı bolğan Komidi jwmıstan bosatqan. Bäri birdey Trampqa degen AQŞ Kongresi men özge de şeneunikteriniñ kümäni küşeyip twr.

“The Qazaq Times”