Erjan Qajı Malğajıwlı. Öskemen. Halifa Altay mwrasına arnalğan halıqaralıq jiın.

QMDB Öskemen aymağı ökildiginiñ wyımdastıruımen Öskemen qalasında din qayratkeri Halifa Altaydıñ 100 jıldığına arnalğan şaralar ötti. Bwl turalı Şığıs Qazaqstan oblıstıq «Halifa Altay» meşitiniñ baspasöz qızmeti habarladı.

Şığıs Qazaqstan oblıstıq Drama teatrda ötken «Bolaşaqqa bağdar: Ruhani jañğıru jäne Halifa Altaydıñ ğılımi mwrası attı» halıqaralıq konferenciyağa QMDB Törağası, Bas müfti Erjan qajı Malğajıwlı haziret, naib müftiler, Resey Altay Respublikasınıñ Bas müftii Janbolat qajı Oqtaubaev, oblıstardıñ ökil imamdarı  jäne Islam Jemeney bastağan ğalımdar, qoğam qayratkerleri qatıstı.

«Tarih qoynauına köz jügirtsek, Saq, Ğwn, Türik qağanatı, Qaraqan memleketi, Altın Orda imperiyası jäne Qazaq handığı däuirlerinde ata-babalarımız zamana üderisinen qalıs qalmay, qala men köşpeli mädenietti qatar damıtıp, qal-qaderinşe ozıq örkeniet jasauğa wmtıldı. Tarihi sanamızdı oyatu maqsatında wlt köşbasşısı N.Nazarbaevtıñ wyıtqı boluımen 2004 jılı «Mädeni mwra» bağdarlaması ayasında Qazaqstan aumağındağı tarihi-mädeni eskertkişter men nısandar jañğırtıldı. Al 2013 jılı «Halıq – tarih tolqınında» bağdarlaması arqılı älemniñ eñ beldi arhivterinen töl tarihımızğa qatıstı qwjattardıñ köşirmesi elge äkelindi. Bwl Elbası aytqan ruhani jañğıruğa äzirlik ispetti atqarılğan eren eñbekter edi» dep atap ötti, Bas müfti Erjan qajı Malğajıwlı öz bayandamasında.

Jiında Halifa Altaydıñ ğılımi mwrası saraptaldı.

Ğwlamanıñ wlı Abdurahim Altay osınday igi şaranı jetekşi bolıp ötkizip otırğan QMDB Öskemen aymağı ökildigine, Bas imam Ermek qajı Qasbolatwlına alğıs bildirdi.

Jiında sındarlı bayandamalar jasalıp, dini ahual, keri ağımdarmen küres mäselelersi saralandı.

qazaqtimes.com