ەرجان قاجى مالعاجىۇلى. وسكەمەن. حاليفا التاي مۇراسىنا ارنالعان حالىقارالىق جيىن.

قمدب وسكەمەن ايماعى وكىلدىگىنىڭ ۇيىمداستىرۋىمەن وسكەمەن قالاسىندا ءدىن قايراتكەرى حاليفا التايدىڭ 100 جىلدىعىنا ارنالعان شارالار ءوتتى. بۇل تۋرالى شىعىس قازاقستان وبلىستىق «حاليفا التاي» مەشىتىنىڭ ءباسپاسوز قىزمەتى حابارلادى.

شىعىس قازاقستان وبلىستىق دراما تەاتردا وتكەن «بولاشاققا باعدار: رۋحاني جاڭعىرۋ جانە حاليفا التايدىڭ عىلىمي مۇراسى اتتى» حالىقارالىق كونفەرەنتسياعا قمدب توراعاسى، باس ءمۇفتي ەرجان قاجى مالعاجىۇلى حازىرەت، نايب مۇفتيلەر، رەسەي التاي رەسپۋبليكاسىنىڭ باس ءمۇفتيى جانبولات قاجى وقتاۋباەۆ، وبلىستاردىڭ وكىل يمامدارى  جانە يسلام جەمەنەي باستاعان عالىمدار، قوعام قايراتكەرلەرى قاتىستى.

«تاريح قويناۋىنا كوز جۇگىرتسەك، ساق، عۇن، تۇرىك قاعاناتى، قاراقان مەملەكەتى، التىن وردا يمپەرياسى جانە قازاق حاندىعى داۋىرلەرىندە اتا-بابالارىمىز زامانا ۇدەرىسىنەن قالىس قالماي، قالا مەن كوشپەلى مادەنيەتتى قاتار دامىتىپ، قال-قادەرىنشە وزىق وركەنيەت جاساۋعا ۇمتىلدى. تاريحي سانامىزدى وياتۋ ماقساتىندا ۇلت كوشباسشىسى ن.نازارباەۆتىڭ ۇيىتقى بولۋىمەن 2004 جىلى «مادەني مۇرا» باعدارلاماسى اياسىندا قازاقستان اۋماعىنداعى تاريحي-مادەني ەسكەرتكىشتەر مەن نىساندار جاڭعىرتىلدى. ال 2013 جىلى «حالىق – تاريح تولقىنىندا» باعدارلاماسى ارقىلى الەمنىڭ ەڭ بەلدى ارحيۆتەرىنەن ءتول تاريحىمىزعا قاتىستى قۇجاتتاردىڭ كوشىرمەسى ەلگە اكەلىندى. بۇل ەلباسى ايتقان رۋحاني جاڭعىرۋعا ازىرلىك ىسپەتتى اتقارىلعان ەرەن ەڭبەكتەر ەدى» دەپ اتاپ ءوتتى، باس ءمۇفتي ەرجان قاجى مالعاجىۇلى ءوز بايانداماسىندا.

جيىندا حاليفا التايدىڭ عىلىمي مۇراسى ساراپتالدى.

عۇلامانىڭ ۇلى ابدۋراھيم التاي وسىنداي يگى شارانى جەتەكشى بولىپ وتكىزىپ وتىرعان قمدب وسكەمەن ايماعى وكىلدىگىنە، باس يمام ەرمەك قاجى قاسبولاتۇلىنا العىس ءبىلدىردى.

جيىندا سىندارلى باياندامالار جاسالىپ، ءدىني احۋال، كەرى اعىمدارمەن كۇرەس ماسەلەلەرسى سارالاندى.

qazaqtimes.com