Organization of the Petroleum Exporting Countries. Foto: Zero Hedge

OPEK elderi osı jıldıñ 25 mamırında Venada ötetin kezdesude mwnay kölemin qısqartudıñ tağı birneşe jolın qarastıratın boladı. Bwl turalı Birikken Arab Ämirliginiñ energetika ministri Suheyl' al'-Mazrui mälimdegen.

"Ministrlerge qara altın kölemin qısqartudıñ birneşe nwsqası wsınıladı. Olar özderi naqtıstın tañdaydı. Kelesi kezdesude oñ nätije boladı dep oylaymın", - dep keltiredi Bloomberg agenttigi ministrdiñ sözin. Sonday-aq, ol venalıq kelisimniñ merzimin wzartudı qoldauğa dayın ekenin aytqan. Onıñ sözinşe, AQŞ-tıñ mwnay kölemin arttıruı  atalğan kelisimge qauip töndire qoymaydı.

Eske salayıq, 2016 jıldıñ 30 qaraşasında OPEK Venada bolğan kezdesude künine öndiriletin mwnay kölemin qazan ayındağı öndiris deñgeyinen 1,2 mln barrel'ge deyin tömendetu turalı kelisimge kelgen edi. Al kartel'ge müşe emes 11 el 10 jeltoqsan küni özderiniñ öndirisin täuligine 558 mıñ barrel'ge deyin azaytuğa kelisti. Resey 300 mıñ barrel'ge deyin qısqartuğa uäde etti.

Bwl kelisim 2017 jıldıñ 1 toqsanına deyin dep bekitilgen bolatın. Osığan baylanıstı mwnay kölemin tağı da qısqarta twru turalı endigi kelissöz şeşimi 25 mamırda belgili boladı.

Qazaqstan ne deydi? Ötken aptada QR Energetika ministri Qanat Bozımbaev joğarıda atalğan kelisimdi 9 ayğa sozu mäselesi talqılanıp jatqanın aytqan. Al Reyter agenttigi bolsa, kartel' müşeleri kelisim merzimin 9 aydan da köp merzimge wzartudı talqılap jatqanın mälimdegen.

“The Qazaq Times”