Emmanuel' Makron. Foto: Christian Hartmann/Reuters

Franciyadağı prezident saylauınıñ resmi qorıtındısı jariyalandı. Nätijesinde, centrist Emmanuel' Makron Franciya tarihında saylanğan eñ jas prezident boldı. VVS agenttigi Makronnıñ Prezident boluı franciyabiligindegi "nağız  silkinis" dep bağaladı.

39 jastağı eñ jas prezidenttiñ "jay ğana ayı oñınan tudı" deydi keybir sarapşılar.

Ayta keteyik, biraz kün bwrın Franciyadağı prezident saylauınıñ soñğı turı jaqın qalğanda, prezidenttikke bastı ümitker Emmanuel' Makron Franciya prokuraturasınıñ tergeuine alınğan. Sebebi, Emmanuel' Makron men Marin Le Pen telearnada tikeley efir arqılı pikir-talas jasağan uaqıtta, onıñ soñı ülken janjalğa wlastı. Nätijesinde, Franciya prokuraturası Makrondı «jala jabu», «qaralau» degen ayıppen tergeuge aldı. Bwğan qaramastan onıñ Prezident bolğanın eskersek, şınımen de jolı bolğan.

"Makronnıñ jay ğana jolı boldı, ol özi kütpegen jağdayğa tap boldı", - degen pikir bildirdi Parijdiñ Terra Nova saraptama ortalığınıñ müşesi Mark-Oliv'e Padis.

Alayda, aldağı uaqıtta endi ol Resey jäne Europalıq odaqpen qarım-qatınastı retteu qajet.

Makron Prezident bolğanğa deyin Vladimir Putinniñ qwrmetine qol jetkizetini turalı aytqan. Degenmen Parijdegi amerikalıq universitettiñ professorı  Ziad Madjid RIA Novostige bergen swhbatında Makron Prezident saylauında jeñgen künniñ özinde Franciya men Reseydiñ qarım-qatınası bwrınğısınşa qiın bolıp qala beretinin aytqan.

"Reseyge qatıstı jağdaydı aytar bolsaq, Makron Fransua Olland qalıptastırğan sayasattı wstanadı. YAğni Olland kezindegi qiın äri ıntımaqsız qatınas saqtaladı", - deydi livan-francuzdıq sayasattanuşı.

Al Makron bwdan bwrın Parij ben Mäskeu tarihta odaqtas elder retinde tanılğanın, degenmen Reseydiñ "halıqaralıq qwqıqtı bwzuğa äreket etui negizsiz" ekenin aytqan.

Bwdan bölek, Emmanuel' Makron Franciyadağı saylaudıñ ekinşi turında Europalıq odaqqa reforma ötkizu qajettigin aytqan. Reforma ötpegen jağdayda Franciya EO-dan şığuı mümkin ekenin eskertken.

Makron saylaualdı nauqan kezinde eldiñ EO-ğa müşe boluı Franciya azamattarı üşin mañızdı ekenin mälimdegen. "Parij eñ aldımen halıqtı tıñdap, olardıñ töziminiñ tausılğanın körip otır, olar öte aşulı. Al eger Europalıq odaqtıñ qazirgi jağdayın köre twra äreket etpesem bwl elge degen "satqındıq" boladı. Osı sebepti de "frexit" bolıp ketui ğajap emes", - degen edi ol.

Al Resey jäne Europalıq odaqpen ıntımaqtasıq qarım-qatınastı wstanıp otırğan Qazaqstanğa Makronnıñ Prezident boluı qalay äser etetinin alda ğı künder körsetedi.

“The Qazaq Times”