ەممانۋەل ماكرون. فوتو: Christian Hartmann/Reuters

فرانتسياداعى پرەزيدەنت سايلاۋىنىڭ رەسمي قورىتىندىسى جاريالاندى. ناتيجەسىندە، تسەنتريست ەممانۋەل ماكرون فرانتسيا تاريحىندا سايلانعان ەڭ جاس پرەزيدەنت بولدى. ۆۆس اگەنتتىگى ماكروننىڭ پرەزيدەنت بولۋى فرانتسيابيلىگىندەگى "ناعىز  سىلكىنىس" دەپ باعالادى.

39 جاستاعى ەڭ جاس پرەزيدەنتتىڭ "جاي عانا ايى وڭىنان تۋدى" دەيدى كەيبىر ساراپشىلار.

ايتا كەتەيىك، ءبىراز كۇن بۇرىن فرانتسياداعى پرەزيدەنت سايلاۋىنىڭ سوڭعى تۋرى جاقىن قالعاندا، پرەزيدەنتتىككە باستى ۇمىتكەر ەممانۋەل ماكرون فرانتسيا پروكۋراتۋراسىنىڭ تەرگەۋىنە الىنعان. سەبەبى، ەممانۋەل ماكرون مەن مارين لە پەن تەلەارنادا تىكەلەي ەفير ارقىلى پىكىر-تالاس جاساعان ۋاقىتتا، ونىڭ سوڭى ۇلكەن جانجالعا ۇلاستى. ناتيجەسىندە، فرانتسيا پروكۋراتۋراسى ماكروندى «جالا جابۋ»، «قارالاۋ» دەگەن ايىپپەن تەرگەۋگە الدى. بۇعان قاراماستان ونىڭ پرەزيدەنت بولعانىن ەسكەرسەك، شىنىمەن دە جولى بولعان.

"ماكروننىڭ جاي عانا جولى بولدى، ول ءوزى كۇتپەگەن جاعدايعا تاپ بولدى", - دەگەن پىكىر ءبىلدىردى ءپاريجدىڭ Terra Nova ساراپتاما ورتالىعىنىڭ مۇشەسى مارك-وليۆە پاديس.

الايدا، الداعى ۋاقىتتا ەندى ول رەسەي جانە ەۋروپالىق وداقپەن قارىم-قاتىناستى رەتتەۋ قاجەت.

ماكرون پرەزيدەنت بولعانعا دەيىن ۆلاديمير ءپۋتيننىڭ قۇرمەتىنە قول جەتكىزەتىنى تۋرالى ايتقان. دەگەنمەن پاريجدەگى امەريكالىق ۋنيۆەرسيتەتتىڭ پروفەسسورى  زياد مادجيد ريا نوۆوستيگە بەرگەن سۇحباتىندا ماكرون پرەزيدەنت سايلاۋىندا جەڭگەن كۇننىڭ وزىندە فرانتسيا مەن رەسەيدىڭ قارىم-قاتىناسى بۇرىنعىسىنشا قيىن بولىپ قالا بەرەتىنىن ايتقان.

"رەسەيگە قاتىستى جاعدايدى ايتار بولساق، ماكرون فرانسۋا وللاند قالىپتاستىرعان ساياساتتى ۇستانادى. ياعني وللاند كەزىندەگى قيىن ءارى ىنتىماقسىز قاتىناس ساقتالادى", - دەيدى ليۆان-فرانتسۋزدىق ساياساتتانۋشى.

ال ماكرون بۇدان بۇرىن پاريج بەن ماسكەۋ تاريحتا وداقتاس ەلدەر رەتىندە تانىلعانىن، دەگەنمەن رەسەيدىڭ "حالىقارالىق قۇقىقتى بۇزۋعا ارەكەت ەتۋى نەگىزسىز" ەكەنىن ايتقان.

بۇدان بولەك، ەممانۋەل ماكرون فرانتسياداعى سايلاۋدىڭ ەكىنشى تۋرىندا ەۋروپالىق وداققا رەفورما وتكىزۋ قاجەتتىگىن ايتقان. رەفورما وتپەگەن جاعدايدا فرانتسيا ەو-دان شىعۋى مۇمكىن ەكەنىن ەسكەرتكەن.

ماكرون سايلاۋالدى ناۋقان كەزىندە ەلدىڭ ەو-عا مۇشە بولۋى فرانتسيا ازاماتتارى ءۇشىن ماڭىزدى ەكەنىن مالىمدەگەن. "پاريج ەڭ الدىمەن حالىقتى تىڭداپ، ولاردىڭ ءتوزىمىنىڭ تاۋسىلعانىن كورىپ وتىر، ولار وتە اشۋلى. ال ەگەر ەۋروپالىق وداقتىڭ قازىرگى جاعدايىن كورە تۇرا ارەكەت ەتپەسەم بۇل ەلگە دەگەن "ساتقىندىق" بولادى. وسى سەبەپتى دە "frexit" بولىپ كەتۋى عاجاپ ەمەس", - دەگەن ەدى ول.

ال رەسەي جانە ەۋروپالىق وداقپەن ىنتىماقتاسىق قارىم-قاتىناستى ۇستانىپ وتىرعان قازاقستانعا ماكروننىڭ پرەزيدەنت بولۋى قالاي اسەر ەتەتىنىن الدا عى كۇندەر كورسەتەدى.

“The Qazaq Times”