Putindi Resey halqınıñ 64 payızı qoldaydı

Resey halqınıñ 64 payızı Vladimir Putindi qoldaydı dep mälimdedi RF Levada äleumettik zerteu ortalığı.

Ötken aptada Reseyde «2018 jılğı prezident saylauında kimge dauıs berer ediñiz» degen taqırıpta Levada ortalığı äleumettik zerteu jürgizgen. Zerteudiñ nätijesinde LDPR partiyasınıñ basşısı Vladimir Jirinovskiy men KPRF basşısı Gennadiy Zyuganov 3 payız, RF Qorğanıs ministri Sergey Şoygu 1 payız saylauşılardıñ dauısın alğan.

Al Resey Federaciyasınıñ qazirgi prezidenti Vladimir Putin halıqtıñ 64 payız dauısın jinağan.  Biraq Putin äzirge Reseyde 2018 jılı ötetin prezident saylauına qatısu, qatıspau jayında eşqanday mälimdeme jasamağan.

Vladimir Putin osığan deyin 3 ret prezidenttik saylauğa qatısıp, üşeuinde de jeñiske jetken bolatın. 7-şi mamır küni Putinniñ Reseydi basqarıp kele jatqanına 17 jıl toladı.

“The Qazaq Times”