Terrorğa twrmısqa şıqqan qauipsizdik qızmetkeri. Foto: Sina News.

AQŞ Federaldıq barlau basqarmasınıñ (BIF) äyel qızmetkeri – Grini, 2014 jılı Süriyağa arnaulı mindet ötey barğan kezinde, atışulı "Islam memleketi" (IS) terrorlıq wyımınıñ eñ bedeldi adamdarınıñ birine twrmısqa şıqqan. Bwl turalı Qıtaydıñ "Şinlañ" (Sina News) aqparattıq saytı AQŞ CNN agentine silteme jasay otırıp habarlaydı.

Jwrttı tañqaldıratını, federaciyalıq barlau basqarması  Grinige  atalğan terrorlıq wyımnıñ eñ ıqpaldı müşeleriniñ biri  Denis Kaspert (Denis Cuspert) attı adamdı körsetip,  onı asa saqtıqpen,  qadağalap tekserudi tapsırğan.  Alayda,  AQŞ Fdereraldıq barlau basqarmasınıñ qızmetkeri men terrorlıq wyımnıñ müşesine twrmısqa şıqqan. Federaldıq sot estelikterine qarağanda,  Denis Kaspert Süriyağa  barğan AQŞ-tıñ  FBI qızmetkerlerine ses körsetken.  Grinidiñ küyeuine üreyli hattar joldap qorqıtqan.

AQŞ FBB-nıñ qızmetkeri. Foto: Sina News.

Grini isi tekseru ayaqtalmasa da,  AQŞ wlttıq qauipsizdigi üşin sanalatın Federaldıq barlau basqarması qızmetkeriniñ, älemdik terrorlıq wyım atamanımen nekede bolğanı estigendi eleñ etkizbey qoymaydı.

Jwrttı tiksindiretin tağı bir sebebi, Denis Kaspert wyımda asa bedeldi adamdardıñ biri.  Bwdan bwrın Germaniyada ötkir tildi änşisi sanalatın ol,  «Jihad soğısın» wyımdastırudağı belsendiligimen  köptegen  elderdiñ nazarınan ilikken. Denis Kasperttıñ Germaniyadağı qoldanğan esimi –  Deso Dogg.  Süriyağa kelgennen keyin Abu Talha al-Almani degen attı qoldanğan. Halıqaralıq terrorlıqqa qarsı wyımdar onıñ är eldiñ basşılarınıñ atın atap, tüsin tüstep videolar arqılı ses körsetumen atı şıqqan lañkes atamanı ekenin biledi. Tipti ol adamnıñ kesilgen basın bir qolına wstap twrıp: "Kelesi jolı AQŞ prezidenti Barak Obamanı bauızdaymın!", – degeni de bar.
Terrorşıl Denispen üylengennen keyin sanaulı aptalar ötkende, Grini öziniñ qattı qateleskenin bilip,  AQŞ-qa qaşıp barğan. Bara sala twtqındalğan. Sonday-aq,  AQŞ ükimeti tarapımen säykesuge qarsı bolmağan. Tekserulerdiñ nätijesi körsetkendey, Grini halıqaralıq terroristter arasına kirgennen keyin birneşe ret qaterli sözder jariyalağanın da moyındağan. Osıdan keyin Federaldıq sot onı eki jılğa sottağan.  2016 jılı jazda bostandıqqa şıqqan.
AQŞ Federaldıq barlau basqarması körsetken mälimetke qarağanda, osı oqiğadan keyin, köpjaqtı zertteuler arqılı qauipsizdik pen saqtıq şaralarınan köptegen isterdi qaytalay bekitken. BIF  bwl künde qızmetkerlerine mindet atqaru barısındağı saqtıq pen amandıqtı küşeyte şarttarı men talaptarın küşeyte tüsti .
Meyli qalay desek te, älemge atı mäşhwr AQŞ-tıñ mañızdı qauipsizdik wyımı qızmetkeri, halıqaralıq lañkestik toptıñ atamanına twrmısqa şıqqanı senuge qiın şındıq bolıp otır.

“The Qazaq Times”