ەۋرووداق سانكتسيا ماسەلەسىندە اقش-پەن كەلىسپەدى

ەۋرووداق سانكتسيا ماسەلەسىندە اقش-پەن كەلىسپەدى.

مامىر ايىنىڭ 21-ءى كۇنى اقش مەملەكەتتىك حاتشىسى مايك پوپەونىڭ: «يران رەجيمىنە قارسى تاريحتا بولماعان سانكتسيالار سالىناتىن بولادى» -دەگەن مالىمدەمەسىنەن كەيىن، ەۋرووداقتىڭ سىرتقى ساياسات جانە ساياسي قاۋىپسىزدىك ماسەلەلەرى بويىنشا رەسمي وكىلى فەدەريكا موگەريني اقش پەن يران اراسىنداعى تەكەتىرەسكە بايلانىستى مالىمدەمە جاسادى. وندا ول: «يرانمەن اراداعى يادرولىق كەلىسىم حالىقارالىق قاۋىمداستىققا تيەسىلى. ونى بىرىككەن ۇلتتار ۇيىمىنىڭ قاۋىپسىزدىك كەڭەسى ماقۇلداعان. ەرووداق تەھرانمەن بۇرىنعى يادرولىق كەلىسىم اياسىندا جۇمىس ىستەيدى» - دەپ مالىمدەگەن.

فەدەريكا موگەرينيدىڭ بۇل مالىمدەمەسىن گەرمانيا سىرتقى ىستەر ءمينيسترى حايكو ماستا قولداعان. ول ءوز سوزىندە: «يران يادرولىق كەلىسىمى ماڭايىندا بولىپ جاتقان دۇنيەلەر گەرمانيا مەن ەۋرووداقتىڭ قاۋىپسىزدىگىنە تىكەلەي قاتىستى. ءبىز يادرولىق كەلىسىم اياسىندا جۇمىس ىستەۋدى قولدايمىز» - دەگەن.

بىراق ەۋرووداق پەن گەرمانيانىڭ بۇل كوزقاراستارىن يزرايل پرەمەر-ءمينيسترى بينيامين نەتانياحۋ قولدامادى. ونىڭ سوزىنشە، اقش-تىڭ يرانعا قاتىستى جاساپ جاتقان قادامدارى دۇرىس. بۇل قادامدار ايماق تىنىشتىعى مەن قاۋىپسىزدىگىنە وڭ ىقپال ەتەدى.

ەستەرىڭىزگە سالايىق، مامىر ايىنىڭ باسىندا اقش پرەزيدەنتى دونالد ترامپ يراندى «تەرروريستەردى قولداپ وتىر جانە وسى ۋاقىتقا دەيىن يادرولىق بومبا جاساۋىن توقتاتقان جوق» - دەپ ايىپتاپ، «يادرولىق كەلىسىمىنەن» شىعاتىندىعىن مالىمدەگەن.

“The Qazaq Times”