وسى جىلدىڭ قاڭتارىندا شوعىرلاندىرىلعان بيۋدجەت تاپشىلىعى 333,5 ملرد تەڭگەنى قۇرادى، دەپ حابارلايدى قازاقستاننىڭ قارجىگەرلەر قاۋىمداستىعى.
قاۋىمداستىقتىڭ مالىمەتىنشە، شىعىن كىرىستەن 261,9 ملرد تەڭگەگە كوپ. 2018 جىلعى قاڭتاردا كىرىس 552,58 ملرد تەڭگەگە تەڭ بولعان جانە جىلدىق ورىندالۋى ءتيىس بيۋدجەت كىرىسىنىڭ 5,7 پايىزىن قۇرايدى.
"2018 جىلعا جوسپارلانعان سالىق تۇسىمدەرى قاڭتار ايىندا 5,9 پايىزعا ورىندالدى. سالىقتىق ەمەس تۇسىمدەر 27,11 ملرد تەڭگەنى قۇرادى. جىلدىق جوسپار 151,95 ملرد تەڭگە دەپ بولجانعان. 2018 جىلى نەگىزگى كاپيتالدى 62,25 ملرد تەڭگەگە تولتىرۋ جوسپارلانعان. اقپان ايىندا سالىق تۇسىمدەرى الدەقايدا جاقسى بولادى دەپ ويلايمىز", - دەلىنگەن قاۋىمداستىق حابارلاماسىندا.
وسىلايشا، 2018 جىلدىڭ قاڭتارىندا 814,52 ملرد تەڭگە جۇمسالعان، بۇل وسى جىلعا بەكىتىلگەن بيۋدجەتتىڭ 6,6 پايىزى. ال 2017 جىلدىڭ قاڭتارىندا شوعىرلاندىرىلعان بيۋدجەت شىعىنى 641,3 ملرد تەڭگەنى قۇراعان. شىعىننىڭ 27,3 پايىزى الەۋمەتتىك كومەككە (222,34 ملرد تەڭگە), 23,0 پايىزى دەنساۋلىق ساقتاۋعا (187,07 ملرد تەڭگە), 14,2 پايىزى ءبىلىم سالاسىنا (115,29 ملرد تەڭگە) جۇمسالىپتى.
بيۋدجەت تاپشىلىعى وسى جىلدىڭ قاڭتارىندا 333,5 ملرد تەڭگەنى قۇرادى. ءبىر جىل بويعى بيۋدجەت تاپشىلىعى 1221,59 ملرد تەڭگە كولەمىندە بولۋى مۇمكىن. ۇلتتىق قوردان كەپىلدەندىرىلگەن ترانسفەرت تۇرىندە رەسپۋبليكالىق بيۋدجەتكە 420 ملرد تەڭگە اۋدارىلعان.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى