فوتو: راديو ازاتتىك

قىرعىزستان جوعارى كەڭەس دەپۋتاتى رەسپۋبليكالىق ماڭىزى بار تاس جولعا المازبەك اتامباەۆتىڭ اتىن بەرۋدى ۇسىندى.

جەلتوقسان ايىنىڭ 5-ءى كۇنى «ءبىر جول» پارتياسىنىڭ دەپۋتاتى قۋانىشبەك جۇماليەۆ جوعارى كەڭەستىڭ جىلجىمالى كوميسسيا وتىرىسىندا ەلدىڭ وڭتۇستىگى مەن سولتۇستىگىن بايلانىستىراتىن تاس جولعا ەكس-پرەزيدەنت المازبەك اتامباەۆتىڭ اتىن بەرۋدى ۇسىنعان. ونىڭ سوزىنشە، المازبەك اتامباەۆ تاس جولعا اتىن بەرۋگە لايىقتى تۇلعا.

ەستەرىڭىزگە سالايىق، بۇعان دەيىن قىرعىزستاننىڭ سۋ جاڭا پرەزيدەنتى سوورونباي جەەنبەكوۆ المازبەك اتامباەۆقا «قىرعىزستان رەسپۋبليكاسىنىڭ  باتىرى» اتاعىن بەرگەن. ال ءبىزدىڭ ەلىمىزدە 1 جەلتوقسان «تۇڭعىش پرەزيدەنت كۇنى» قارساڭىندا الماتى قالاسىنىڭ باستى كوشەلەرىنىڭ ءبىرى فۋرمانوۆ كوشەسىنە نۇرسۇلتان نازارباەۆتىڭ اتى بەرىلگەن بولاتىن.

“The Qazaq Times”