الماتى اكىمى گونكونگقا جۇمىس ساپارى بارىسىندا ءوڭىردىڭ مەملەكەتتىك جانە ىسكەر ورتاسىمەن بىرقاتار ەكىجاقتى كەزدەسۋلەر وتكىزدى، سونىمەن قاتار گونكونگ اكىمشىلىگىنىڭ باسشىسى كەرري لاممەن جۇزدەستى، دەپ حابارلايدى الماتى قالاسى اكىمدىگىنىڭ ءباسپاسوز قىزمەتى. 

كەزدەسۋدە  كەرري لام  الماتى ەكونوميكاسى گونكونگتاعىداي ءتۇرلى سەرۆيستەن،ساۋدادان، قارجى قىزمەتى مەن لوگيستيكادان قۇرالاتىندىعىن، سونىڭ ارقاسىندا تۇراقتىلىق قامتاماسىز ەتىلىپ، قالا ينۆەستيتسيا تارتۋ ءۇشىن  تارتىمدى بولاتىندىعىن اتاپ ءوتتى.

الماتى اكىمى باۋىرجان بايبەكتىڭ كەزدەسۋ كەزىندە ايتقان مالىمەتتەرىنە قاراعاندا «Doing Business» رەيتينگىندە گونكونگ  4  ورىندا تۇرسا، الەمنىڭ 190 ەلىنىڭ ىشىنەن الماتى  36-ىنشى ورىندا.

«ءبىر تەرەزە» قاعيداسى بويىنشا ءبىز الماتىعا كەلگەن ينۆەستورلارعا جوبالارىن جۇزەگە اسىرۋ  ءۇشىن بارلىق كومەكتى كورسەتەمىز. ورتالىق ازيانىڭ 65 ميلليوندىق، ەۋرازيالىق ەكونوميكالىق وداقتىڭ 180 ميلليون ادامى بار نارىعى  قىزىقتىراتىنى ءسوزسىز. ەگەر كاسىپورىن الماتىدا ورنالاسسا بۇلار قوجەتىمدى  بولادى»، - دەپ اتاپ ءوتتى  باۋىرجان بايبەك.

جۇمىس ساپارىنىڭ قورىتىندىسى بويىنشا كەلەر جىلى الماتىدا گونكونگتىڭ ساۋداسىن دامىتۋ جونىندەگى كەڭەس وكىلدىگىن اشۋ تۋرالى كەلىسىمگە قول جەتكىزىلدى. بۇلدان وزگە، گونكونگ پەن الماتىدا ساۋدا، ينۆەستيتسيا، يننوۆاتسيا جانە شوب بويىنشا  ىنتىماقتاستىقتى  نعىايتۋ ءۇشىن  «الماتى» الەۋمەتتىك كاسىپكەرلىك كورپوراتسياسى مەن گونكونگتىڭ ساۋدانى دامىتۋ كەڭەسى اراسىندا قاجەتتى مەموراندۋمعا قول قويىلدى.

“The Qazaq Times”