فوتو: Jóvenes El País de los Jóvenes

قازاقستاننىڭ باس پروكۋراتۋراسى عالامتورداعى سايلاۋ الدى ۇگىت-ناسيحات جۇمىستارىن قاداعالاۋ كەرەگىن ايتىپ، سايلاۋ تۋرالى زاڭعا وزگەرىستەر مەن تولىقتىرۋلار ەنگىزۋدى ۇسىندى.

بۇگىن قازاقستان رەسپۋبليكاسىنىڭ ادىلەت مينيسترلىگىندە وتكەن كەزەكتى وتىرىستا قر باس پروكۋرورىنىڭ ورىنباسارى عيزات نۇرداۋلەتوۆ: «ءبىز سايلاۋ الدى ۇگىت-ناسيحات جۇرگىزۋ كەزىندە عالامتوردا جاريالاناتىن فوتو، ۆيدەو، ونلاين داۋىس بەرۋ، الدىن الا سايلاۋشىلار اراسىندا ساۋالناما جۇرگىزۋ سىندى جۇمىستاردى زاڭ جۇزىندە قاداعالاۋدى ۇسىنامىز» - دەدى.

عيزات نۇرداۋلەتوۆتىڭ سوزىنشە، قازىرگى سايلاۋ تۋرالى زاڭ تەك تەلەارنا مەن گازەت، جۋرنالدارداعى ۇگىت-ناسيحات جۇمىستارىن قاداعالايدى. ال سايلاۋ الدى ۇگىت-ناسيحات كەزىندەگى كوپتەگەن زاڭ بۇزۋشىلىقتار عالامتور بەتتەرىندە بولىپ جاتىر.

وسى جەردە ايتا كەتەتىن ءبىر جايت قازىرگى تاڭدا قازاقستانداعى ساياساتكەرلەردىڭ ىشىندە ءوزىنىڭ ساياسي كوزقاراسىن عالامتور ارقىلى بەلسەندى ءبىلدىرىپ جۇرگەندەردىڭ ءبىرى، قۋعىنداعى وپپوزيتسيالىق ساياساتكەر مۇحتار ءابىلازوۆ. ونىڭ Facebook الەۋمەتتىك جەلىسىندەگى توبىنا تىركەلۋشىلەر سانى 30 مىڭعا، Instagram جەلىسىندەگى وقىرماندار سانى 133 مىڭعا جەتكەن.

“The Qazaq Times”