Gyanja qalasına jasalğan şabuıldan 7 adam qaza taptı. Foto: ÄR SİM.

Äzirbayjannıñ Qazaqstandağı elşiligi Armeniya qarulı küşeteriniñ atıstı gumanitarlıq maqsatta toqtatu turalı kelisimdi öreskel bwzğanın jäne Äzirbayjan Respublikasınıñ ekinşi iri qalası Gyanjağa zımıran şabuılın jasağanın ayıptap, qazaqstandıq BAQ qwraldarına mälimdeme tarattı. Tömende ÄR SİM tarabınıñ resmi mälimdemesin wsınamız. 

Jaraqat alğandar arasında balalar da bar. Foto: ÄR SİM.

Äzerbayjan Respublikası Sırtqı ister ministrliginiñ mälimdemesi:

Resey Federaciyasınıñ dänekerligimen Äzerbayjan Respublikası men Armeniya Respublikasınıñ Sırtqı ister ministrleriniñ Mäskeude ötken kezdesui nätijesinde qol jetkizilgen 2020 jıldıñ 10 qazan küni sağat 12:00-den bastap atıstı gumanitarlıq maqsatta toqtatu rejimin wstanu kelisimine qaramastan, Armeniyanıñ qarulı küşteri bwl kelisimdi öreskel türde bwzudı jalğastıruda.

Atıstı gumanitarlıq maqsatta toqtatu rejimi küşine ene salısımen, Äzerbayjannıñ  Agdam jäne Terter audandarı Armeniya qarulı küşteri tarapınan zeñbirek oğına wşıradı. Armeniyanıñ qarulı jasaqtarı osıdan birneşe sağat ötken soñ Gadrut jäne Jäbrail bağıtında şabuıl äreketin jasadı.

Armeniya qarulı küşteriniñ Sugovşan aumağında armyan soldattarınıñ mäyitin jinap jürgen aq tu tigilgen sanitar maşinasın atqılauı nätijesinde bir medicinalıq qızmetker auır jaraqat aldı.

11 qazan tüni maydan şebinen alıs ornalasqan, kölemi boyınşa Äzerbayjannıñ ekinşi ülken qalası Gyanja Armeniya qarulı küşteri tarapınan raketalıq şabuılğa wşıradı. Şabuıl nätijesinde 7 azamat qaza taptı, aralarında balalar da bar 34 adam jaraqat aldı.

Atıstı gumanitarlıq maqsatta toqtatu turalı kelisimnen keyin Armeniya qarulı küşteriniñ beybit twrğındar men qalalarğa oq jaudıruı varvarlıqtıñ ta ayqın mısalı bolıp tabıladı, al Armeniya basşılığınıñ atıstı toqtatuğa şaqıruı ekijüzdiliginiñ ayğağı.

Armeniyanıñ beybit twrğındarğa, üylerge, azamattıq ob'ektilerge jäne medicinalıq qızmetkerlerge Äzerbayjanğa qarsı agressiya sayasatı şeñberinde qasaqana oq jaudıruı bwl eldiñ halıqaralıq gumanitarlıq qwqıq jäne Jeneva konvenciyalarımen birge halıqaralıq qwqıqtıñ negizin qalauşı normalardı elemeytinin, öz mindetterin sözsiz bwzatının jäne gumanizmniñ negizgi qağidattarınan müldem alıs ekenin tağı bir jolı körsetedi.

Armeniya tarapınan jasalğan agressiya aktilerin qatañ türde ayıptaymız jäne halıqaralıq qoğamdastıqtı basqınşı el Armeniyanı halıqaralıq qwqıq pen halıqaralıq mindetterdi wstanuına mäjbürleu maqsatında batıl qadamdar jasauğa şaqıramız.

Aumaqtağı ahual jauapkerşiligi Armeniyanıñ äskeri-sayasi basşılığınıñ moynında.

“The Qazaq Times”