قىرعىز بەن تاجىك اراسىنان تاعى دا شۋ شىقتى. كەشە، 27 قاڭتار كەشتە باتكەن-يسفانا جولىنداعى ءتورت-كوشە جانە چىر-دوبە جەرلەرىندە وق اتىلىپ، سوڭعى اۋقىمدى قاقتىعىسقا ۇلاسا جازدادى. تاراپتار شەكاراعا جاقىن اسكەري تەحنيكالار مەن قوسىمشا اسكەري كۇشتەرىن تارتتى. دەگەنمەن، باتكەن جانە سوگدي وبلىستارىنىڭ جوعارى باسشىلارى مەن اسكەري جەتەكشىلەر اراسىنداعى كەزدەسۋدەن كەيىن وق اتپاۋ كەلىسىمىنە كەلدى.
قىرعىز اقپارات قۇرالدارىنىڭ مالىمەتتەرىنە قاراعاندا، وقيعا وتە جىلدام شيەلەنىسكەن. كەشە كەشكى ساعات 17:30 بەن 18:00-گە دەيىن باتكەن-يسفانا ترانسشەكارالىق جولنىڭ ءتورت-كوشە بولىگىن تاجىكستان شەكاراشىلارى ءبىرتاراپتى جاۋىپ تاستاعان. ەكى جاقتىڭ شەكارا وكىلدەرى اراسىنداعى سويلەسۋدەن كەيىن 19:30 شاماسىندا جول قايتا اشىلعان. الايدا، جول اشىلا سالىسىمەن (مالىمەتتەرگە قاراعاندا 19:35 شاماسىندا) تاجىك تارابى چىر-دوبە جەرىندەگى قىرعىز شەكاراشىلارىنا وق اتا باستاعان.
قىرعىزستاننىڭ ۇلتتىق قاۋىپسىزدىگى مەملەكەتتىك كوميتەتى كەشكى ساعات 20:30-دا مالىمدەمە جاساپ، ەكى ەل شەكاراسىنداعى جاعدايدى «شيەلەنىستى كۇيگە ءوتتى» دەپ مالىمدەدى.
تۇنگە قاراي ەكى ەلدىڭ جوعارى لاۋازىمدى تۇلعالارى تەلەفون ارقىلى سويلەسىپ، ديالوگ ورناتۋعا تىرىسقانى بايقالادى. سونىڭ ناتيجەسىندە قىرعىزستان پرەزيدەنتىنىڭ باتكەن وبلىسىنداعى ارنايى وكىلى ادىكارىم اليمباەۆ پەن ۇقمك-نىڭ باتكەن وبلىسى بويىنشا جەتەكشىسى قيالبەك تولەنباەۆ دەلەگاتسيا باستاپ، تاجىكستاننىڭ سوگدي وبلىسى گۋبەرناتورى رادجابباي احمادزودا، شەكارا وكىلى گەنەرال-مايور ح.پيراكزودا باستاعان وكىلدەرمەن كەلىسسوز وتكىزگەن.
كەلىسسوز ناتيجەسى بويىنشا تاراپتار: وق اتىسپاۋ; شەكاراعا تارتىلعان قوسىمشا اسكەري كۇشتەردى كەرى قايتارۋ; باتكەن-يسفانا جولىن اشۋ; شيەلەنىستى ۋشىقتىرماۋ ءۇشىن شەكارا ايماقتارداعى قۇقىق قورعاۋ قىزمەتىنىڭ جۇمىسىن قالىپقا ءتۇسىرۋ قاتارلى كەلىسىمدەرگە كەلدى.
كەزەكتى شەكارا جانجالىنىڭ سەبەبى تۋرالى ءتۇرلى بولجامدار بار. ءتورت-كوشە تاراپتاردىڭ شەكارا بولۋدە ءالى دە كەلىسىمگە كەلە الماعان، تالاستى جەرلەرىنىڭ ءبىرى. تاراپتار ديالوگ ورناتىپ، وق اتىسپاۋ كەلىسىمىنە قول جەتكىزگەنىمەن شەكارالىق جانجال ءالى دە قاۋىپتى كۇيىن ساقتاپ تۇر. قىرعىزستان قۇقىق قورعاۋ قىزمەتى كۇشەيتىلگەن رەجيمدە جۇمىس ىستەپ تۇر.
قىرعىز-تاجىك شەكاراسىنداعى جانجال بويىنشا ۇقشۇ دا مالىمدەمە جاساپ، تاراپتاردى وق اتىسپاۋعا، تۇراقتىلىقتى قامتاماسىز ەتۋگە شاقىردى. ۇيىمنىڭ باس حاتشىسى قوس تاراپتىڭ وكىلدەرىمەن تەلەفون ارقىلى سويلەسكەن.
«قازاقستان اسكەرى رەسەي شەكاراسىن قورعاۋعا بارا ما؟»: قورعانىس ءمينيسترى جاۋاپ بەردى
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
ۋكراينا داعدارىسىنىڭ كۇشەيۋىنە بايلانىستى رەسەي – موڭگوليا - قىتاي مۇددەلىك قاتىناستارى
نازارباەۆ "قۇرمەتتى سەناتور" اتاعىنان ايىرىلدى
موڭعوليا استاناسىندا جاپپاي نارازىلىق شەرۋلەرى ءوتتى