قازاقستاندا كوروناۆيرۋس پەن وعان ۇقساس پنەۆمونياعا شالدىققاندار سانى تاعى 1,8 مىڭعا ارتىپ، جالپى ەسەبى 986 مىڭنان اسقان. قازان ايىنىڭ وزىندە 23 مىڭ ناۋقاس انىقتالىپ، 450 شاقتى ادام كوز جۇمعان. بۇل سالىستىرمالى تۇردە بىلتىرعىدان ايتارلىقتاي جوعارى.
دەنساۋلىق ساقتاۋ مينيسترلىگىنىڭ رەسمي مالىمەتىنشە، ەلدە 12 قازاندا كوروناۆيرۋس (كۆي+) جۇققان 1707 ادام، ال 11-ءى كۇنى كوروناۆيرۋس پنەۆمونياسىنا (كۆي-) شالدىققان 176 ادام تىركەلدى. سونداي-اق، وتكەن دۇيسەنبىدە 35 قازاقستاندىق اۋرۋدان قايتىس بولدى. وسىلايشا، اپتا باسىنداعى جاعداي ماۋسىم ايىنىڭ سوڭىنداعى دەڭگەيگە تومەندەگەنى بايقالادى. دەگەنمەن بىلتىر ءدال وسى ۋاقىتتا رەسمي ستاتيستيكادا تاۋلىگىنە كوپ دەگەندە 300-گە دەيىن ناۋقاس جانە 10-عا جەتەر-جەتپەس ءولىم جاعدايى تىركەلەتىن، ستاتسيونارلاردا جاتقان سىرقاتتار سانى 3,5 مىڭنان اسپاعان ەدى. قازىر بۇل كورسەتكىش ەسەلەپ ءوسىپ وتىر، بۇگىندە ەلدە 53 مىڭ ادام (كۆي+ بويىنشا 46 مىڭ، كۆي- بويىنشا 7 مىڭ) اۋىرىپ جاتىر.
#COVID وتكەن كۇنى پتر تەستى ارقىلى كوروناۆيرۋس جۇققانى راستالعان ناۋقاستار قاتارى تاعى ارتتى. ولاردىڭ باسىم بولىگى نەمەسە 15%-ى ادەتتەگىدەي جوعارى ديناميكادا تۇرعان ءبىر عانا الماتى (269) قالاسىنا تيەسىلى. اۋرۋشاڭدىق قاراعاندى (158), سقو (136), الماتى (137), اقمولا (115), قوستاناي (98), شىمكەنت (63), اقتوبە (77), تۇركىستان (31), بقو (49), اتىراۋ (43), قىزىلوردا (28), جامبىل (25), ماڭعىستاۋ (14) وڭىرلەرىندە ءبىرشاما ارتقان. ال استانا (240) جانە شقو (74), پاۆلودار (150) وبلىستارىندا ەداۋىر كەمىگەن. سەيسەنبىدە اۋرۋدان ايىققان 1958 ادام ۇيىنە شىعارىلعان. 11 قازاندا جيىنى 29 ادام قايتىس بولعان.
#COVID_پنەۆمونياسى قازاننىڭ 11-ءى اقپاراتى ءبىر تاۋلىككە كەشىگىپ بەرىلەتىن كوروناۆيرۋس پنەۆمونياسىنا شالدىققان 176 ناۋقاس ەسەپكە الىندى. ۆەدومستۆو دەرەگىنشە, بۇل كۇنگى سىرقاتتار شقو (36), شىمكەنت (24), الماتى وبلىسى (22), جامبىل (22), استانا (18), الماتى قالاسى (11), قوستانايدا (11) كوپتەپ انىقتالعان. سونىمەن قوسا، 289 ادام ايىعىپ شىققان، تاعى 6 ادام كوز جۇمعان.
#جالپى دەنمين دەرەگىنە قاراعاندا، ەمدەلىپ جاتقان 53 مىڭ ناۋقاستىڭ 9 مىڭى اۋرۋحانادا، 44 مىڭى امبۋلاتورلىق باقىلاۋدا. 693 ناۋقاستىڭ جاعدايى ناشار، ونداعى 185 ادامنىڭ ءحالى وتە اۋىر. بۇدان وزگە 118 سىرقات وكپەنى جاساندى جەلدەتۋ اپپاراتىمەن تىنىستاپ جاتىر.
ەپيدكارتادا «جاسىل ايماقتاعى» شىمكەنت، تۇركىستان، ماڭعىستاۋ، اتىراۋ، قىزىلوردا جانە جامبىل وبلىستارىنان باسقا اقتوبە، قوستاناي، قاراعاندى، بقو، شقو، الماتى وبلىستارى «سارى ايماققا» وتكەن. باسقا 5 ايماق تۇتاستاي «قىزىل ايماقتا» تۇر.
دەنميننىڭ QT رەداكتسياسىنا بەرگەن مالىمەتىنشە، ىندەت تاراعان 2020-2021 جىلدارى پتر تەستى وڭ كورسەتكەن 1407 سىناما سەكۆەنيرلەنگەن (شتامم ءتۇرىن انىقتايتىن تالداۋ). سايكەسىنشە، بيىل كوكتەم-جازدا گەنومدىق زەرتتەۋ ناتيجەسىندە ەلدىڭ باسىم بولىگىنەن ۆيرۋستىڭ برازيليالىق، بريتاندىق، وڭتۇستىكافريكالىق، ۇندىستاندىق جانە نيگەريالىق شتامدارى انىقتالعان.
بيىلعى جاز مەزگىلى قازاقستاندىقتار ءۇشىن قارالى حابارعا تولى بولدى. پاندەميا باستالعالى 1,5 جىلدىڭ ىشىندە انىقتالعان بارلىق اۋرۋشاڭدىق پەن ءولىم جاعدايىنىڭ جارتىسى تەك وتكەن جازدا، ءتورتىنشى تولقىندا تىركەلدى. جازعى ءۇش ايدا باس-اياعى 420 مىڭ ادام اۋىرسا، 6,6 مىڭنان اسا ادام كوز جۇمدى. قىركۇيەك ايىنىڭ وزىندە 99 مىڭداي ناۋقاس ەسەپكە الىنعان جانە 2117 ادام قايتىس بولعان. ال قازان ايىنىڭ ءبىرىنشى دەكاداسىندا 23 مىڭ اۋرۋ جانە 447 ءولىم جاعدايى تىركەلگەن.
بىلتىر 13 ناۋرىزدان بەرى COVID-19 ينفەكتسياسىن جۇقتىرعاندار قاتارى 909 مىڭعا جۋىقتاسا، 1 تامىزدان بەرگى كوروناۆيرۋس پنەۆمونياسى 77 مىڭنان اسقان. ددسۇ دەرەكقورى مەن ۇلتتىق ستاتيستيكادا قازاقستاندا اۋىرعاندار سانى 986 مىڭعا جەتكەن. دەگەنمەن ۇكىمەت كوروناۆيرۋس پەن ونىڭ پنەۆمونياسىن ەكى بولەك ەسەپتەيدى.
پاندەميا باستالعالى جالپى ۆيرۋس جۇققانداردان 19,6 مىڭ ادام (كۆي+ / U07.1 – 11 613, كۆي- / U07.2 – 4931, ىلەسپە اۋرۋلاردان – 3123) قايتىس بولعان. الايدا قازاقستان بيلىگى بويىنان كوروناۆيرۋس تابىلسا دا، باسقا اۋرۋلاردىڭ سەبەبىنەن قايتىس بولدى دەلىنگەندەردى جالپى ستاتيستيكاعا ەنگىزبەيدى. بۇعان قارسى ساراپشىلاردىڭ سوزىنە قاراعاندا، كوروناۆيرۋستىڭ جاناما اسەرىنەن قايتقانداردىڭ جارتىسىنان استامىنىڭ سەبەبى قان اينالىمى جۇيەسىنىڭ اۋرۋلارى بولعاندىقتان، وعان ينفەكتسيا دەرت قوزدىرۋشى فاكتور رەتىندە ولىمگە اكەپ سوقتىرعان.
قازاقستان ۆيرۋس تارالۋى بويىنشا الەمدە دجونس حوپكينس ۋنيۆەرسيتەتى جانە ددسۇ تىزىمىندەگى 221 ەل مەن ايماقتىڭ اراسىندا 36-ورىنعا ورنىقتى.
ۇكىمەتتىڭ سوڭعى دەرەگىنە قاراعاندا، قازاقستاندا 6,9 ملن ادام كوروناۆيرۋسقا قارسى ۆاكتسينانى تولىق العان، ال كەمىندە ءبىرىنشى دوزاسى ەگىلگەن جۇرتتىڭ سانى 7,9 ملن-نان اسادى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟