فرانتسيادا دەنساۋلىق ساقتاۋ سالاسىنىڭ قىزمەتكەرلەرىن كوروناۆيرۋسقا قارسى ۆاكتسينا الۋعا مىندەتتەيتىن زاڭ قابىلداندى. بۇعان حالىق نارازى.

ەكپە قابىلداۋعا 15 قىركۇيەككە دەيىن ۋاقىت بەرىلدى. ازىرگە بۇل كۋالىك ەرەسەكتەرگە عانا مىندەتتى. بىراق 30 قىركۇيەكتەن باستاپ اتالعان قۇجاتتى جاسى 12-دەن اسقان بارلىق ازاماتتارى كورسەتۋى ءتيىس.

24 شىلدەدە ەۋروپا قالالارىندا ونداعان مىڭ ادام ىندەتتى شەكتەۋ ماقساتىندا ەنگىزىلگەن شارالارعا قارسىلىق ءبىلدىرىپ، شەرۋگە شىققان بولاتىن. نارازىلىقتىڭ ەڭ ءىرىسى فرانتسيادا ءوتتى. مۇندا بۇكىل ەل بويىنشا 160 مىڭنان استام ادام مەيرامحانا جانە وزگە دە قوعامدىق ورىندارعا ارنايى رۇقسات قاعازىمەن كىرگىزۋدى قاراستىراتىن زاڭ جوباسىنا قارسىلىق ءبىلدىردى.

داۋلى زاڭ جوباسىنا سايكەس، ەندى مۋزەي، كينوتەاتر، مەيرامحانا، بار جانە وزگە دە نىساندارعا كىرۋ ءۇشىن ارنايى «رۇقسات قاعاز» قاجەت. اتالعان قۇجات ۆاكتسينالاۋدان تولىق وتكەن، كوروناۆيرۋس جۇقپاعانى جايلى پتر تەستى بار نەمەسە كوروناۆيرۋستان ەمدەلگەنىن دالەلدەيتىن انىقتاماسى بار ادامدارعا بەرىلەدى.

"The Qazaq Times"