ون كۇنگە جۋىق 5 مىڭنان تىركەلگەن ناۋقاستاردىڭ كۇندەلىكتى ەسەبى 22 شىلدەدە 6,3 مىڭعا كوبەيدى. شىعىس قازاقستان وبلىسىنان وزگە بارلىق وڭىردە جۇزدەن اسا، ءتىپتى مىڭنان ارتىق ادامنان كوروناۆيرۋس انىقتالعان. قازىر 71 مىڭنان استام سىرقات ەمدەلىپ جاتىر.
دەنساۋلىق ساقتاۋ مينيسترلىگىنىڭ رەسمي مالىمەتىنشە، ەلدە 22 شىلدەدە كوروناۆيرۋس (كۆي+) جۇققان 6119 ادام، ال 21-ءى كوروناۆيرۋس پنەۆمونياسىنا (كۆي-) شالدىققان 233 ادام تىركەلدى. قازىر ەلدە 71 مىڭ ادام (كۆي+ بويىنشا 69 مىڭ، كۆي- بويىنشا 1785) اۋىرىپ جاتىر.
#COVID وتكەن كۇنى پتر تەستى ارقىلى كوروناۆيرۋس جۇققانى راستالعان ناۋقاستار قاتارى تاعى ارتتى. ولاردىڭ باسىم بولىگى ادەتتەگىدەي استانا (1381), الماتى قالاسى (996) جانە قاراعاندى وبلىسىندا (794) تىركەلدى. بۇدان وزگە اتىراۋ (489), شىمكەنت (488), بقو (235), اقتوبە مەن الماتى وڭىرلەرى (ارقايسىندا 230-دان), ماڭعىستاۋ (205), پاۆلودار (203), اقمولا (189), قوستاناي (156), قىزىلوردا (129), سقو (110), جامبىل (105), تۇركىستان (101) وبلىستارىندا دەرت ۇدەپ تۇر. وتكەن تاۋلىكتە 2427 ادام ايىعىپ ۇيىنە شىعارىلعان. سارسەنبىدە جيىنى 64 ادام قايتىس بولعان.
#COVID_پنەۆمونياسى 21 شىلدەدە اقپاراتى ءبىر تاۋلىككە كەشىگىپ بەرىلەتىن كوروناۆيرۋس پنەۆمونياسىنا شالدىققان 34 ناۋقاس ەسەپكە الىندى. ۆەدومستۆو دەرەگىنشە، سىرقاتتار استانا (42), جامبىل (33), اتىراۋ (29), شىمكەنت پەن ماڭعىستاۋ (ارقايسى 26-دان) كوپتەپ انىقتالعان. سونىمەن قوسا، 105 ادام ايىعىپ شىققان، تاعى 10 ادام كوز جۇمعان.
#جالپى دەنمين دەرەگىنە قاراعاندا، ەمدەلىپ جاتقان 71 مىڭنان اسا ناۋقاستىڭ 21 مىڭى اۋرۋحانادا، 50 مىڭى امبۋلاتورلىق باقىلاۋدا. 1258 ناۋقاستىڭ جاعدايى ناشار، ونداعى 274 ادامنىڭ ءحالى وتە اۋىر. بۇدان وزگە 166 سىرقات وكپەنى جاساندى جەلدەتۋ اپپاراتىمەن تىنىستاپ جاتىر.
ۆيرۋستىڭ تارالۋ قاتەرى جاعىنان رەسپۋبليكانىڭ بارلىق ءوڭىرى سارعايىپ-قىزارا ءتۇستى. «قىزىل ايماققا» ەنگەن وڭىرلەر: استانا، الماتى، شىمكەنت قالالارى مەن الماتى، اقمولا، اتىراۋ، اقتوبە، بقو، قاراعاندى، ماڭعىستاۋ، قوستاناي، قىزىلوردا، سقو، پاۆلودار، جامبىل وبلىستارى. ال وزگە شقو جانە تۇركىستان وڭىرلەرى «سارى ايماقتا» تۇر. قازاقستان تۇستاس قىزىل رەڭگە بويالدى.
دەنمين حابارىنشا, 1 شىلدەدە پتر سكرينينگى نەگىزىندە 414 سىناما جۇرگىزىلگەن. سايكەسىنشە، بارلىق ۇلگىنىڭ 48,3%-ىنان قازاقستاننىڭ تۇگەل ايماعىنان ۇندىستاندىق «دەلتا» شتامى انىقتالعان. ۇكىمەت مالىمەتىنشە، بيىل كوكتەم-جازدا گەنومدىق زەرتتەۋ ناتيجەسىندە ەلدىڭ باسىم بولىگىنەن ۆيرۋستىڭ برازيليالىق، بريتاندىق، وڭتۇستىكافريكالىق جانە ۇندىستاندىق شتامدارى انىقتالعان.
بىلتىر 13 ناۋرىزدان بەرى COVID-19 ينفەكتسياسىن جۇقتىرعاندار قاتارى 516 مىڭعا، 1 تامىزدان بىلايعى كوروناۆيرۋس پنەۆمونياسى 59 مىڭعا جەتتى. ددسۇ دەرەكقورى مەن ۇلتتىق ستاتيستيكادا قازاقستاندا اۋىرعاندار سانى 575 مىڭنان استى. دەگەنمەن ۇكىمەت كوروناۆيرۋس پەن ونىڭ پنەۆمونياسىن ەكى بولەك ەسەپتەيدى.
پاندەميا باستالعالى جالپى ۆيرۋس جۇققانداردان 11 196 ادام (كۆي+ / U07.1 – 5244, كۆي- / U07.2 – 3585, ىلەسپە اۋرۋلاردان – 2367) قايتىس بولعان. الايدا قازاقستان بيلىگى بويىنان كوروناۆيرۋس تابىلسا دا، باسقا اۋرۋلاردىڭ سەبەبىنەن قايتىس بولدى دەلىنگەندەردى جالپى ستاتيستيكاعا ەنگىزبەيدى. بۇعان قارسى ساراپشىلاردىڭ سوزىنە قاراعاندا، كوروناۆيرۋستىڭ جاناما اسەرىنەن قايتقانداردىڭ جارتىسىنان استامىنىڭ سەبەبى قان اينالىمى جۇيەسىنىڭ اۋرۋلارى بولعاندىقتان، وعان ينفەكتسيا دەرت قوزدىرۋشى فاكتور رەتىندە ولىمگە اكەپ سوقتىرعان.
قازاقستان ۆيرۋس تارالۋى بويىنشا الەمدە دجونس حوپكينس ۋنيۆەرسيتەتى جانە ددسۇ تىزىمىندەگى 221 ەل مەن ايماقتىڭ اراسىندا 42-ورىندا تۇر.
ۇكىمەتتىڭ سوڭعى دەرەگىنە قاراعاندا، قازاقستاندا 3 ملن ادام كوروناۆيرۋسقا قارسى ۆاكتسينانى تولىق العان.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟