ارمەنيا پرەمەر-ءمينيسترى نيكول پاشينيان. فوتو: ۆۆس

ارمەنيادا 20 ماۋسىمدا كەزەكتەن تىس پارلامەنتتىك سايلاۋ وتەدى. بۇل تۋرالى ەل پرەمەر-ءمينيسترى نيكول پاشينيان حابارلادى.

ۇكىمەت باسشىسى «پروتسۆەتايۋششايا ارمەنيا» وپپوزيتسيالىق فراكتسياسى كوشباسشىسىمەن وتكەن كەزدەسۋدە وسىنداي كەلىسىمگە كەلدى. پاشينيان مۇنداي شەشىم ەلدەگى احۋالدى ەڭسەرۋدىڭ ەڭ ءتيىمدى جولى دەيدى.

قازىر ارمەنياداعى ساياسي احۋال ۋشىعىپ تۇر. باس شتابتىڭ باسشىسىن تاعايىنداۋ پرەمەر-مينيستر نيكولاس پاشينيان مەن پرەزيدەنت ارمەن ساركيسيان اراسىندا قايشىلىقتار تۋىنداتقان. وپپوزيتسيالىق «وتاندى قۇتقارۋ قوزعالىسى» ساركيسيانمەن كەزدەسۋگە دايىن، بىراق ولار پاشينياننىڭ وتستاۆكاسىن تالاپ ەتىپ وتىر. قوزعالىستىڭ ۇيلەستىرۋشىسى يشحان ساگاتەليان وپپوزيتسيانىڭ كۇن تارتىبىنە سايكەس، پاشينيان وتستاۆكاعا كەتكەننەن كەيىن مەرزىمىنەن بۇرىن پارلامەنتتىك سايلاۋ وتكىزەتىن ۋاقىتشا ۇكىمەت قۇرىلسىن دەگەن تالاپ قويدى.

وتكەن اپتادا پاشينياننىڭ ارتاك داۆتياندى ارمەنيا قارۋلى كۇشتەرى باس شتابىنىڭ جاڭا باسشىسى ەتىپ تاعايىنداۋ تۋرالى ۇسىنىسىن ەل پرەزيدەنتى قابىلداۋدان باس تارتتى. سودان كەيىن مينيسترلەر كابينەتىنىڭ باسشىسى قايتادان وسى ۇسىنىستى حات تۇرىندە جولدادى. الايدا، پاشياننىڭ بۇل ۇسىنىسى دا كەرى قايتارىلدى.

ەلدەگى ساياسي احۋالدىڭ ۋشىعۋىنا باس شتاب باسشىسىنىڭ ءبىرىنشى ورىنباسارىنىڭ قىزمەتىنەن بوساتىلۋى سەبەپ. پرەمەر-مينيستر پاشينياننىڭ جوعارى لاۋازىمدى قىزمەتكەردى ورنىنان كەتىرۋ تۋرالى ۇسىنىسىنى ارمەنيا پرەزيدەنتى ارمەن ساركيسان ماقۇلداعان. ەندى وسىعان بايلانىستى قارۋلى كۇشتەر نيكول پاشينيانمەن قوسا ۇكىمەتتىڭ دە وتستاۆكاعا كەتۋىن تالاپ ەتتى. ال پاشينيان مۇنى «اسكەري توڭكەرىس» دەپ اتادى.

"The Qazaq Times"