كوروناۆيرۋستىڭ بريتاندىق جاڭا ءتۇرى وزبەكستاندا تىركەلدى

بريتانيادا بەلگىلى بولعان كوروناۆيرۋستىڭ جاڭا ءتۇرى وزبەكستاندا انىقتالدى. ۆيرۋستىڭ بۇل قاۋىپتى ءتۇرى اتا-اناسىمەن بىرگە بىرىككەن اراب امىرلىگىنەن ۇشىپ كەلگەن ون جاستاعى وزبەكستاندىق قىزدان تابىلعان.

وزبەكستان دەنساۋلىق ساقتاۋ مينيسترلىگىنىڭ مالىمەتىنە قاراعاندا، ەلدە كوروناۆيرۋسقا شالدىققانداردىڭ جالپى سانى 78 مىڭنان اسقان. سوڭعى تاۋلىكتە 44 ادام ىندەتكە شالدىققان. بىراق، رەسمي مالىمەتتەرگە سەنسەك، وزبەك ەلىندە ۆيرۋسقا شالىداققانداردىڭ شامامەن 98 پايىزى جازىلىپ شىققان. قازا بولعاندار سانى 634 ادام.

الايدا، كوروناۆيرۋستىڭ بريتاندىق شتاممى وزبەكستاننىڭ دسم مەن ۇكىمەتىن الاڭداتىپ وتىر. جوعارىدا اتالعان ناۋقاستان بريتاندىق شتاممنىڭ بار ەكەنى تۋرالى مالىمەت 30 قاڭتار كۇنى تىركەلگەن. ناۋقاستى قايتالاي تەكسەرۋدەن وتكىزىپ، بريتانيادا بەلگىلى بولعان كوروناۆيرۋستىڭ قاۋىپتى جاڭا ءتۇرىنىڭ بار ەكەنىن تولىق تۇراقتاندىرعان.

دەگەنمەن، وزبەكستان دسم تارابى ەلدەگى ەسپيدەميا جاعدايىنىڭ تۇراقتى جانە باقىلاۋدا ەكەنىن ايتادى.

“The Qazaq Times”