اقش-تىڭ سۇرياعا شابۋىلىنا رەسەي مەن يران عانا قارسى شىقتى

اقش-تىڭ سۇرياعا جاساعان شابۋىلى الەمدى ءدۇر سىلكىندىرگەن زور جاڭالىقتاردىڭ ءبىرى بولىپ تارادى. قۇراما شتاتتاردىڭ قارۋلى كۇشتەرى جاعىنان باشار اساد باس بولىپ وتىرعان ءسۇريانىڭ قازىرگى ۇكىمەت ارمياسىنىڭ اسكەري بازاسى تالقاندالدى. اقش-تىڭ توسىن شابۋىلى وسىدان بۇرىن ءسۇريادا بولىپ وتكەن حيميالىق قارۋ قولدانۋعا جاۋاپ رەتىندە جاسالدى.

اقش-تىڭ جاساعان بۇل رەتكى ارەكەتىنەن كەيىن، الەمنىڭ ءسۇريا ىسىندە تالايدان قالىپتاسقان داعدىلى ادەت بويىنشا پىكىرلەرى ەكىگە ءبولىندى. سونىمەن اقش-جاقتاۋشىلار مەن ونىڭ ارەكەتىن ايىپتاۋشىلاردى ايتىپ وتەلىك. قولداۋ تانىتقانداردىڭ الدىن ەو كەڭەسى باستاپ تۇر. شابۋىلدان كەيىن كوپ ۇزاماي ەو كەڭەسىنىڭ توراعاسى پىكىر ءبىلدىرىپ: «اقش-تىڭ شابۋىلى، اياۋسىز حيميالىق قارۋ قولدانۋدىڭ بىردەن ءبىر جاۋابى»، – دەگەن باعا بەردى جانە الدا اقش-پەن لاڭكەستىككە بىرلەسە وتىرىپ قارسى تۇرۋ تەبىنىن ارتتىراتىنىن ايتتى.

ناتو دا بۇل جولعى ارەكەتتە اقش-تى جاقتادى. ۇيىمنىڭ باس حاتشىسى يەنس: «بۇل ءىستىڭ بىردەن ءبىر جاۋاپكەرشىلىگى، حيميالىق قارۋ قولدانعان ءسۇريا ۇكىمەتىنىڭ موينىندا»، – دەدى.

ۇلىبريتانيا، فرانتسيا، گەرمانيا، ساۋد ارابياسى، اۆستراليا، گوللانديا، پولشا جانە جاپونيا دا قۇراما شتاتتىڭ قادامىن دۇرىس دەپ تاپقان.

ال، ءسۇريا ىسىندە اقش-پەن ءبىر تۇرعىدا بولا المايتىن رەسەي مەن يران عانا شابۋىلدى وزگەلەردىڭ ەگەمەندىگىنە قول سۇعۋ دەستى.

“The Qazaq Times”