ەردوعان ماسكەۋدى سۇرياعا ارالاسپاۋعا شاقىردى

وتكەن سەنبىدە، 29 اقپان تۇركيا پرەزيدەنتى رەجەپ تايىپ ەردوعان ماسكەۋگە قاراتا مالىمدەمە جاسادى. ول ماسكەۋدى سۇرياعا ارالاسۋىن توقتاتۋىن جانە تۇركيانىڭ باشار اساد كۇشتەرىنە سوققى بەرۋىنە كەدەرگى كەلتىرمەۋگە شاقىرعان.

پرەزيدەنت ەردوعان سوزىندە ءوز جاقتاستارىنا قاراتا: «تۇركيا سۇرياعا باشار اسادتىڭ تالابى بويىنشا ەمەس، ءسۇريا حالقىنىڭ ءوتىنىشى بويىنشا كىردى»، – دەدى. ول سونداي-اق، تۇركيا ارمياسى يدليبتە قازا بولعان 34 تۇرىك جاۋىنگەرىنىڭ كەگىن الاتىنىن قايتالادى.

سۇرياداعى قاقتىعىستى باقىلاپ وتىرعان اقپارات ارنالارى تۇركيانىڭ يدليب پەن الەپپو ماڭىنداعى قايتارما سوققىسى كەزىندە باشار اساد كۇشتەرىنە قاراستى 26 جاۋىنگەردىڭ قازا تاپقانىن مالىمدەگەن.

سۇرياداعى ادام قۇقىقتارىن قورعاۋ ۇيىمدارىنىڭ مالىمەتىنشە، انكارانىڭ سوعىسقا ارالاسپاۋعا شاقىرعانىنا قاراماستان رەسەي اۋە كۇشتەرى باشار اساد كۇشتەرىنە قولداۋ كورسەتىپ جاتقانىن ايتادى.

تۇرىك پەن ورىس لاۋازىمدىلارى اراسىندا يدليب ماسەلەسىنە بايلانىستى كەلىسسوزدەر بولعانىمەن، سوعىس توقتاتۋ تۋرالى كەلىسىمگە قول جەتكىزە المادى. تۇركيا ءسىم تارابىنىڭ مالىمەتىنە قاراعاندا 5 ناۋرىزدا تۇركيا مەن رەسەي پرەزيدەنتتەرى كەزدەسۋ وتكىزبەك.

“The Qazaq Times”