Foto: telesurtv.net

AQŞ-tıñ Süriyağa jasağan şabuılı älemdi dür silkindirgen zor jañalıqtardıñ biri bolıp taradı. Qwrama Ştattardıñ qarulı küşteri jağınan Başar Asad bas bolıp otırğan Süriyanıñ qazirgi ükimet armiyasınıñ äskeri bazası talqandaldı. AQŞ-tıñ tosın şabuılı osıdan bwrın Süriyada bolıp ötken himiyalıq qaru qoldanuğa jauap retinde jasaldı.

AQŞ-tıñ jasağan bwl retki äreketinen keyin, älemniñ Süriya isinde talaydan qalıptasqan dağdılı ädet boyınşa pikirleri ekige bölindi. Sonımen AQŞ-jaqtauşılar men onıñ äreketin ayıptauşılardı aytıp ötelik. Qoldau tanıtqandardıñ aldın EO Keñesi bastap twr. Şabuıldan keyin köp wzamay EO Keñesiniñ törağası pikir bildirip: «AQŞ-tıñ şabuılı, ayausız himiyalıq qaru qoldanudıñ birden bir jauabı», – degen bağa berdi jäne alda AQŞ-pen lañkestikke birlese otırıp qarsı twru tebinin arttıratının ayttı.

NATO da bwl jolğı ärekette AQŞ-tı jaqtadı. Wyımnıñ bas hatşısı Yens: «Bwl istiñ birden bir jauapkerşiligi, himiyalıq qaru qoldanğan Süriya ükimetiniñ moynında», – dedi.

Wlıbritaniya, Franciya, Germaniya, Saud Arabiyası, Avstraliya, Gollandiya, Pol'şa jäne Japoniya da Qwrama Ştattıñ qadamın dwrıs dep tapqan.

Al, Süriya isinde AQŞ-pen bir twrğıda bola almaytın Resey men Iran ğana şabuıldı özgelerdiñ egemendigine qol swğu desti.

“The Qazaq Times”