فوتو: https://qazaquni.kz

سەنات دەپۋاتتارىنىڭ سايلاۋى 12 تامىزدا وتەتىن بولدى.

بۇگىن ەل پرەزيدەنتى پارلامەنت سەناتى دەپۋتاتتارىنىڭ سايلاۋىن 2020 جىلعى 12 تامىزعا تاعايىنداۋ تۋرالى قاۋلىعا قول قويدى.

سوڭعى رەت سەنات دەپۋتاتتارىن سايلاۋ 2017 جىلى وتكەن بولاتىن. سەنات دەپۋتاتتارىنىڭ وكىلەتتىك مەرزىمى – 6 جىل. ءاربىر ءۇش جىلدا وكىلەتتىگى اياقتالعان دەپۋتاتتار قايتا سايلانادى. قازاقستان زاڭناماسىنا سايكەس، سەناتقا ءار وبلىس پەن رەسپۋبليكالىق ماڭىزى بار قالالاردان ەكى ادامنان سايلانادى. دەپۋتاتتاردىڭ 34-ءىن ءماسليحات دەپۋتاتتارى سايلايدى، قالعان 15-ءىن پرەزيدەنت تاعايىندايدى.

قاۋلى ءماتىنى تومەندەگىدەي:

قازاقستان رەسپۋبليكاسى كونستيتۋتسياسىنىڭ 44-بابىنىڭ 2) تارماقشاسىنا، «قازاقستان رەسپۋبليكاسىنداعى سايلاۋ تۋرالى» 1995 جىلعى 28 قىركۇيەكتەگى قازاقستان رەسپۋبليكاسى كونستيتۋتسيالىق زاڭىنىڭ 69 بابىنا سايكەس قازاقستان رەسپۋبليكاسى پارلامەنتى سەناتىنىڭ دەپۋتاتتارى وكىلەتتىكتەرىنىڭ كونستيتۋتسيالىق مەرزىمىنىڭ 2020 جىلعى قازان ايىندا اياقتالاتىنىنا بايلانىستى قاۋلى ەتەمىن:

  1. قازاقستان رەسپۋبليكاسى پارلامەنتى سەناتى دەپۋتاتتارىنىڭ سايلاۋى 2020 جىلعى 12 تامىزعا تاعايىندالسىن.
  2. قازاقستان رەسپۋبليكاسىنىڭ ۇكىمەتى، نۇر-سۇلتان، الماتى جانە شىمكەنت قالالارىنىڭ، وبلىستاردىڭ اكىمدەرى قازاقستان رەسپۋبليكاسى پارلامەنتى سەناتى دەپۋتاتتارىنىڭ سايلاۋىن ۇيىمداستىرۋشىلىق، ماتەريالدىق-تەحنيكالىق جانە قارجىلىق قامتاماسىز ەتۋ جونىندە شارالار قابىلداسىن. 3. وسى جارلىق جاريالانعان كۇنىنەن باستاپ قولدانىسقا ەنگىزىلەدى.

"The Qazaq Times"