بۇگىن The Qazaq Times-تىڭ "Talk-TOR"-ىندە قوناق بولعان دەموكراتيالىق پارتيانىڭ جەتەكشىسى جانبولات ماماي جاڭا پارتيا تۋرالى، ونىڭ قازىرگى جاساپ جاتقان قادامدارى مەن بيلىكتىڭ وعان قارسى قىسىمدارى تۋرالى جانە "جاس الاش" گازەتىنىڭ باس رەداكتورىنىڭ اۋىسىنا قاتىستى بىرقاتار سۇراقتارعا جاۋاپ بەردى.

دەموكراتيالىق پارتيا جەتەكشىسىنىڭ سوزىنە قاراعاندا بيلىك تارابى اتالعان پارتيانى تىركەمەۋ ءۇشىن بارلىق ايلا-تاسىلدەردى قولدانىپ وتىر، ءتىپتى پارتيا ىشىندەگى جەتەكشى توپ مۇشەلەرىنە جەكەلەي قىسىم كورسەتۋ ارقىلى پارتيانىڭ ءار قادامىنا كەدەرگى كەلتىرۋدە. وسىنداي قىسىمدارعا قاراماستان جۇمىس جاساپ وتىرعانىن ايتا كەلىپ : ء"بىز قوسانوۆ بولمايمىز، – دەيدى دەم. پارتيا جەتەكشىسى –  سەبەبى، پارتيا دەگەن جەكە ادام ەمەس، ءبىزدىڭ قاتارىمىزدا مىڭداعان ادامدار بار. پارتيانىڭ ۇستانىمى، جارعىسى جانە پلاتفورمامىز بار، ءبىز سول العان بەتىمىزدەن تايمايمىز", – دەدى جانبولات ماماي. ول جانە ينگا يمانبايدىڭ  "جاس الاش" گازەتىنىڭ باس رەداكتورى بولۋىمەن اتالمىش باسىلىم دەموكراتيالىق پارتيانىڭ ءباسپاسوز قىزمەتىنە اينالىپ كەتپەي مە دەگەن سوزدەرگە كەلىسپەيتىنىن، سول تۋرالى ءوز ءۋاجىن جەتكىزدى.

“The Qazaq Times”