الماتىدا ءالى تالاي زاڭسىز نىسان بۇزىلۋى مۇمكىن

كۇنى كەشە عانا ارباتتىڭ قاق ورتاسىندا ورنالاسقان اسحانانى جەرمەن جەكسەن ەتكەن سوت ورىنداۋشىلارىنىڭ بۇل ارەكەتى زاڭعا سايكەس بەلگىلەنگەن مەرزىمدە ورىندالعاندىعى ايتىلىپ جاتىر. اتالعان مەكەنجاي بويىنشا جالعا بەرىلگەن جەر تەلىمىنىڭ ۋاقىتى 2016 جىلدىڭ 27 ناۋرىزىندا ءوتىپ كەتكەن.  باسقارما مەن قۇرىلىس سالۋشىلارعا قاتىستى قر اكىمشىلىك قۇقىق بۇزۋشىلىق بويىنشا كودەكسىنىڭ 319 بابىمەن مامانداندىرىلعان اۋدانارالىق سوتىنا اكىمشىلىك ءىس جىبەرىلگەن بولاتىن. بورىشكەرگە الدىن الا ەسكەرتۋ حاتى جىبەرىلگەن، بىراق ءوز ەركىمەن بۇزۋ تۋرالى ەشقانداي شارا قولدانىلماعاندىقتان، اكىمشىلىك تاراپىنان كۇشتەپ قيراتۋ جۇمىستارى جۇرگىزىلگەن.

ال "قوناەۆ" اتىنداعى قوردىڭ ۇستىنەن  اكىمشىلىك ءىس قوزعالىپ جانە ۇكىمەتتىڭ جەرىن زاڭسىز باسىپ الدى دەگەن ايىپپەن قوماقتى كولەمدە ايىپپۇل دا سالىنىپ وتىر. سەبەبى، بۇزىلعان اسحاناعا سولاردىڭ قاتىسى بار دەپ وتىر.

وسى ماسەلەگە بايلانىستى بىرنەشە سۇراقتىڭ تۋىندايتىنى راس. ەگەر بۇل ايماققا بەلگىلى ءبىر نورماتيۆتىك رۇقسات بەرىلمەي، سونىمەن قاتار قۇرىلىس جۇمىستارى اۆتورلىق جانە تەحنيكالىق باقىلاۋسىز جۇرگىزىلگەن بولسا، بىرنەشە جىلدان بەرى جەكە كاسىپكەردىڭ شاعىن كاسىبىن دوڭگەلەتىپ كەلگەنى جانە قۇقىق قورعاۋ ورگانداندارىنىڭ نازارىنا ەندى عانا ىلىككەنى.

ەگەر جەر ءتىلىمىن زاڭسىز يەمدەنىپ قۇرىلىس جۇمىستارى جۇرگىزىلگەن بولسا، وسى اسحانا جەكە كاسىپ رەتىندە قالاي تىركەلگەن بولۋى مۇمكىن؟

الماتى قالاسىنىڭ جەردىڭ پايدالانىلۋى مەن قورعالۋىن باقىلاۋ باسقارماسىنا وسى وبەكتىنىڭ زاڭسىز سالىنعاندىعى جانە جالعا بەرۋ ۋاقىتىنىڭ وتكەندىگى جايىندا جەكە تۇلعادان اقپارات كەلىپ تۇسكەن. وسى ارىزدىڭ نەگىزىندە تەكسەرىس جۇمىستارى جۇرگىزىلىپ، زاڭبۇزۋشىلىق فاكتورلارى انىقتالعان ەكەن. سوعان سايكەس كوميتەت سوتقا شاعىم ءتۇسىرىپ، سوت شەشىمى نەگىزىندە الماتى قالاسىنىڭ مەملەكەتتىك ساۋلەت- قۇرىلىس باقىلاۋ باسقارماسى "كومپوت" اسحاناسىن قيراتۋ جۇمىستارىنا كىرىسكەن. زاڭعا سايكەس بىرنەشە مارتە ەسكەرتۋ قاعازدارى جىبەرىلىپ، اسحانا قوجايىنى جەردى ءوز ەركىمەن بوساتۋى تالاپ ەتىلگەن بولاتىن.

الماتى، ارباتتاعى بۇزىلعان اسحانا. 28.03.2017. فوتو: «The Qazaq Times».

كوميتەت وكىلدەرىنىڭ ايتۋىنشا، جالعا الۋ ۋاقىتى ءوتىپ جانە زاڭسىز تۇرعىزىلعاندىقتان، جەكە كاسىپكەرگە ەشقانداي وتەماقى تولەنبەيدى. كەرىسىنشە، اكىمشىلىك ءىس قوزعالىپ، ايىپپۇل سالىنعان. 

الماتى قالاسىنىڭ جەردىڭ پايدالانىلۋى مەن قورعالۋىن باقىلاۋ باسقارماسىنا جەكە تۇلعادان اقپارات كەلىپ تۇسپەسە، اسحانا ءالى دە ءوز جۇمىسىن جالعاستىرا بەرەر مە ەدى؟ 

جالپى قالاداعى مەملەكەتكە تيەسىلى جانە جالعا بەرىلگەن ايماقتارعا قۇرىلىس جۇمىستارىن جۇرگىزۋ جانە جەكە كاسىپ اشۋ سەكىلدى ماسەلەردى قاراستىراتىن بولساق، قۇرىلىس نىساندارىنىڭ زاڭدى نەمەسە زاڭسىز ەكەندىگى جايىندا ارنايى تىركەلەتىن اقپارات جوق بولىپ وتىر. كوميتەت وكىلدەرى: ء"بىز قالانىڭ بارلىق قۇرىلىس نىساندارىنا بارىپ، زاڭدى، نە زاڭسىز ەكەندىكتەرىن تەكسەرۋگە مىندەتتى ەمەسپىز. ال كەز-كەلگەن تۇلعادان بەلگىلى ءبىر اقپارات كەلىپ تۇسسە عانا سول نىسان جايىندا زەرتتەۋ جۇمىستارىن جۇرگىزۋىمىز قاجەت" - دەيدى-مىس.

سوندا قالادا تاعى دا جالعا بەرۋ ۋاقىتى وتكەن نەمەسە زاڭسىز تۇرعىزىلعان قۇرىلىس نىساندارى بولۋى مۇمكىن جانە كەز-كەلگەن ۋاقىتتا ولاردى دا ءدال وسىلاي قيراتۋى دا عاجاپ ەمەس دەگەن ءسوز. ال كەلىپ تۇسكەن اقپارات، ارىزدار ارنايى پورتالعا تىركەلەدى. بىراق بۇل اقپارات تەك قۇزىرلى ورگانداردىڭ وكىلدەرىنە عانا قولجەتىمدى. ايتا كەتەتىن ءبىر جايت، ارىز بەرۋشىنىڭ سەبەبى ەسكەرىلمەيدى، تەك اقپارات قانا قاراستىرىلماق.

«The Qazaq Times»