شەرۋگە شىققانداردى بەلارۋس قارۋلى كۇشتەرى قاماۋعا الىپ جاتىر. فوتو: AFP

قۇقىق قورعاۋشىلار بەلارۋسسياداعى قارسىلىق شەرۋىندە جۇزدەگەن ادام تۇتقىندالعانىن مالىمدەدى. شەرۋگە قاتىسۋشىلاردى قاماۋ رۇقسات ەتىلمەگەن كوشە جۇرىسىنەن كەيىن باستالعان. بۇل تۋرالى بي-بي-ءسيدىڭ قىرعىز قىزمەتى حابارلادى.

بۇعان دەيىن "ينتەرفاكس" اگەنتتىگى قارسىلىق ەرلەۋىلگە شىققاندار سانى 500 ادامداي دەگەن ەدى. بي-بي-سي ءتىلشىسى شەرۋشىلەردى 1,5 مىڭداي دەپ وتىر.

بەلارۋس ءتارتىپ ساقشىلارى شەرۋگە شىقانداردى ۇستاپ جاتىر. فوتو: REUTERS

قامالعانداردىڭ اراسىندا رەسەيلىك جۋرناليستەر دە بار. جەكەلەگەن قۇقىق قورعاۋ ۇيىمدارى پوليتسيانىڭ 700-دەي ادامدى ۇستاعانىن ايتقان.

بي-بي-سي حابارشىسى تاتيانا مەلنيچۋك سوۆەت رايونىنداعى ىشكى ىستەر بولىمىنە "جەدەل جاردەم" قىزمەتى شاقىرىلعانىن حابارلادى.

شەرۋگە قاتىسقانداردى كۇشتەپ كولىككە كىرگىزىپ جاتىر. فوتو: EPA

شەرۋگە شىعۋشىلاردى پوليتسيانىڭ ارنايى كۇشتەرى تۇس-تۇستان توسىپ تۇرىپ ولاردى ۇستاي باستاعان.

قارۋلى كۇشتەر شەرۋ وتىپجاتقان جەرگە ادامداردى جىبەرمەۋگە تىرىسىپ جاتىر. فوتو: AFP

بەلارۋسسيالىق بەلسەندىلەر "جۇمىسسىزدار سالىعى" بويىنشا پرەزيدەنتتىڭ جارلىعىن الىپ تاستاۋىن تالاپ ەتكەن قارسىلىق ارەكەتتەرىنىڭ جالعاسا بەرەتىنىن بىلدەردى.

قارسىلىق كورسەتكەندەردى كوشتەپ اكەتىپ جاتىر. فوتو: REUTERS

بەلسەندىلەردىڭ بۇل شەرۋى 25 ناۋرىزعا بەلگىلەنگەن بەلارۋسسيا مەملەكەتتىك مەرەكەسىنىڭ 99 جىلدىعىنا تۇسپا-تۇس كەلىپ وتىر.

مينسكىدە قاۋىپسىزدىك شارالارى كۇشەيتىلىپ، شەرۋ بولىپ جاتقان جاققا بارا جاتقان جۇرگىنشىلەر ۇستالىپ، جولداردى جاۋىپ تاستاعان. قانشا كىسى قامالعانى تۋرالى رەسمي مالىمدەمە جاسالعان جوق.

“The Qazaq Times”