قىتاي باسشىسى مەن تيللەرسوننىڭ كەزدەسۋى كورەي تۇبەگىنىڭ تاعدىرىنا تىكەلەي قاتىستى

اقش مەملەكەتتىك حاتشىسى تيللەرسوننىڭ (Rex Tillerson) جۇما كۇنى جاريالاعان حابارلاماسىندا، سولتۇستىك كورەي ماسەلەسىنىڭ كەلىسسوزدەرى الە دە جەتكىلىكتى ەمەس ەكەنىن، سولتۇستىك كورەيا يادرولىق جانە بالليستيكالىق زىمىرانداردى دامىتۋ ىسىنە قارسى تىڭ دەڭگەيدە ارىپتەستىك ورناتۋ كەرەك ەكەنىن اتاپ ءوتتى. ول جانە اتالعان ەلگە قارسى سانكتسيانى ءالى دە تەرەڭدەتە ءتۇسىرۋ كەرەك ەكەنىن ەسكەرتتى. بۇل تۋرالى تانىمال «The Wall Street Journal» باسىلىمى حابارلادى.

وڭتۇستىك كورەيا سىرتقى ىستەر ءمينيسترى يۋن بيون-سەمەن  (يۋن بيون-SE) وسىدان بۇرىن وتكەن كەلىسسوزدەن كەيىن، اقش مەملەكەتتىك حاتشىسى سەۋلدە جۋرناليستەردى قابىلدادى. ول ءوزىنىڭ قحر توراعاسى شي جينپينگە (سي تسزينپين) كەزدەسۋ بارىسىندا، اقش-تىڭ وڭتۇستىك كورەيادا زىمىرانعا قارسى قورعانىس جۇيەسىن ورناتۋىنا قىتاي بيلىگىنىڭ قارسىلىعىنان تۋعان، وڭتۇستىك كورەياعا قىسىم ءتۇسىرۋ ىستەرىن دە ورتاعا سالاتىنىن ايتتى. ول بۇل جۇيەنىڭ وڭتۇستىك كورەيانىڭ قورعانىسىنا باعىتتالعانىن تۇسىندىرۋگە تىرىساتىنىن جەتكىزدى.

تيللەرسوننىڭ شىعىس ازياداعى ءۇش ەلگە جاسالعان ساپارىنىڭ سوڭعى نۇكتەسى بۇگىن بولماق. ول بۇگىن قحر باسشىسى   شي جينپينگە جولىعادى. قىتاي ءۇشىن اقش پەن وڭتۇستىك كورەيانىڭ «ساد» زىمىرانعا قارسى جۇيەسىن قىتايعا جاقىن ەلدە ورناتۋى ءبىر جاعىنان ۇرەي تۋدىرسا، ەندى ءبىر جاعىنان ورىنسىز ارەكەت بولىپ سانالادى. ال، اقش پەن كورەيا ونى قىتايدى تەجەۋ ماقساتىندا ەمەس، تەك وزدەرىنىڭ بىرىككەن ارمياسى مەن وڭتۇستىك كورەيانى يادرولىق شابۋىلدان قورعاۋ دەپ ءتۇسىندىرىپ كەلەدى. بۇل جۇيەنىڭ ورناتىلۋىنا بىردەن ءبىر قارسى ەل رەتىندە بەيجىڭ تاراپتىڭ قانداي ۇستانىمدا بولاتىنى، الداعى شىعىس ازيا وڭىرلىك قايشىلىعىنىڭ دامۋى مەن قۇلدىراۋىنا تىكەلەي اسەر ەتكەلى تۇر. دەمەك تيللەرسون مەن شي ءجينپيننىڭ كەزدەسۋى وڭىرلىك ماسەلەلەر ءۇشىن تاريحي وقيعا بولىپ قالماق.

“The Qazaq Times”