Foto: CNN.COM

AQŞ memlekettik hatşısı Tillersonnıñ (Rex Tillerson) jwma küni jariyalağan habarlamasında, Soltüstik Korey mäselesiniñ kelissözderi äle de jetkilikti emes ekenin, Soltüstik Koreya yadrolıq jäne ballistikalıq zımırandardı damıtu isine qarsı tıñ deñgeyde äriptestik ornatu kerek ekenin atap ötti. Ol jäne atalğan elge qarsı sankciyanı äli de tereñdete tüsiru kerek ekenin eskertti. Bwl turalı tanımal «The Wall Street Journal» basılımı habarladı.

Oñtüstik Koreya sırtqı ister ministri YUn Ben-Semen  (YUn Ben-SE) osıdan bwrın ötken kelissözden keyin, AQŞ memlekettik hatşısı Seulde jurnalisterdi qabıldadı. Ol öziniñ QHR törağası Şi Jinpinge (Si Czin'pin) kezdesu barısında, AQŞ-tıñ Oñtüstik Koreyada zımıranğa qarsı qorğanıs jüyesin ornatuına Qıtay biliginiñ qarsılığınan tuğan, Oñtüstik Koreyağa qısım tüsiru isterin de ortağa salatının ayttı. Ol bwl jüyeniñ Oñtüstik Koreyanıñ qorğanısına bağıttalğanın tüsindiruge tırısatının jetkizdi.

Tillersonnıñ Şığıs Aziyadağı üş elge jasalğan saparınıñ soñğı nüktesi bügin bolmaq. Ol bügin QHR basşısı   Şi Jinpinge jolığadı. Qıtay üşin AQŞ pen Oñtüstik Koreyanıñ «Sad» zımıranğa qarsı jüyesin Qıtayğa jaqın elde ornatuı bir jağınan ürey tudırsa, endi bir jağınan orınsız äreket bolıp sanaladı. Al, AQŞ pen Koreya onı Qıtaydı tejeu maqsatında emes, tek özderiniñ birikken armiyası men Oñtüstik Koreyanı yadrolıq şabuıldan qorğau dep tüsindirip keledi. Bwl jüyeniñ ornatıluına birden bir qarsı el retinde Beyjiñ taraptıñ qanday wstanımda bolatını, aldağı Şığıs Aziya öñirlik qayşılığınıñ damuı men qwldırauına tikeley äser etkeli twr. Demek Tillerson men Şi Jinpinniñ kezdesui öñirlik mäseleler üşin tarihi oqiğa bolıp qalmaq.

“The Qazaq Times”