جاپونيا پرەمەر-ءمينيسترى سيندزو ابە جانە رەسەي پرەزيدەنتى ۆلاديمير پۋتين. فوتو: http://itd3.mycdn.me

رەسەي جاپونيامەن «ارال داۋىنا» نۇكتە قويىپ، جاڭا كەلىسسوزدەر جۇرگىزۋگە مۇددەلى.

وسىعان قاتىستى رەسەي سىرتقى ىستەر ءمينيسترى سەرگەي لاۆروۆ: «سوعىس اياقتالعاننان كەيىن قول قويىلاتىن جاي عانا بەيبىت كەلىسىم-شارت جاساپ قانا قويماي، رەسەي مەن جاپونيا اراسىنداعى قارىم-قاتىناستاردىڭ قازىرگى دەڭگەيىن كورسەتەتىن قۇجاتتى جانە ەڭ باستىسى-ولاردى ودان ءارى دامىتۋدىڭ باعدارلارىن كورسەتۋ قاجەت. قارىم-قاتىناستى ساپالى جاڭا دەڭگەيگە شىعارۋ ءۇشىن جالپى تىنىمسىز جۇمىستى جالعاستىرۋعا دايىنبىز. بەيبىت كەلىسىم - شارت ەكى ەلدىڭ پروبلەماسىن ىقتيمالدى شەشۋگە، حالىقتارىمەن قولداۋ جانە قابىلداۋ كەرەك ەكەندىگىن ءاردايىم ەسكەرەمىز»، – دەدى.

ەكى ەل اراسىنداعى ارال داۋى ءالى كۇنگە دەيىن وڭتايلى شەشىم تاپقان جوق. 2 تامىزدا كۋريل ارالدارىنا رەسەيلىك شەندىلەر باسقارۋ توبىمەن بارعاننان كەيىن، جاپونيا سىرتقى ىستەر مينيسترلىگى ماسكەۋگە نارازىلىق حاتىن جولداعان بولاتىن. بۇعان قاتىستى پىكىر بىلدىرگەن رەسەي پرەمەر-ءمينيسترى دميتري مەدۆەدەۆ: «جاپون حالقىنىڭ نارازىلىعى ءبىزدىڭ ەش الاڭداۋشىلىعىمىزدى تۋعىزبايدى. كۋريل ارالدارى رەسەي جەرىنە تيەسىلى. ارالدار ساحالين وبلىسىنا كىرەدى. سول سەبەپتى رەسەيلىكتەردىڭ ول جاققا بارۋعا تولىقتاي قۇقىعى بار»، – دەدى.

جاپونيا پرەمەر-ءمينيسترى سيندزو ابە مەن رەسەي پرەزيدەنتى ۆلاديمير پۋتين ارال ماسەلەسىنە قاتىستى 2012 جىلدان بەرى بىرنەشە كەزدەسۋ ۇيىمداستىرعان. الايدا، تاراپتار ورتاق مامىلەگە كەلە المادى.

"The Qazaq Times"