نازارباەۆتىڭ اقىل-كەڭەسىن ءتۇسىندىرۋ: ماسەلە ەكى سيىردا ەمەس

ماسەلە ەكى سيىردا ەمەس.

ۆيتسە-پرەمەر-مينيستر بەردىبەك ساپارباەۆ اتى شۋلى ەكى سيىرعا قاتىستى پىكىر ءبىلدىردى. ونىڭ سوزىنشە، ماسەلە ەكى سيىردا ەمەس، ماسەلە ازاماتتاردىڭ ەڭبەكسۇيگىشتىگىندە.

«ءبىز بارلىعىمىز اۋىلدان شىقتىق. 1-2 سيىر باعىپ ءومىر سۇرۋگە بولادى. بىراق سول سيىرلاردى وسىرۋگە جاعداي جاساۋ كەرەك. ەلدەر ايتادى، جەم-ءشوپ جوق دەپ. جوق دەسەڭ، جوق بولا بەرەسىڭ. ەشكىم سىزگە جەم-ءشوپ اكەلىپ بەرمەيدى. ەگەر سيىرعا ۋاقىتىلعى جەم-ءشوپ بەرىپ تۇرسا، ول كۇنىنە 7-8 ليتر ءسۇت بەرەدى. 2-3 ليتر ءسۇت كۇندەلىكتى پايدالانۋعا كەتسىن. قالعانىنان قۇرت، ماي، قايماق جاساۋعا بولادى. مەسەلە ەكى سيىردا ەمەس، ماسەلە ازاماتتاردىڭ ەڭبەكسۇيگىشتىگىندە» - دەدى ساپارباەۆ.

بۇعان دەيىن «نۇر وتان» پارتياسى ساياسي كەڭەسىنىڭ وتىرىسىندا ەكس-پرەزيدەنت نۇرسۇلتان نازارباەۆ قازاقستاندىقتارعا بيلىككە شاعىم ايتقانشا ەكى سيىر اسىراپ، جانىن باعۋ قاجەتتىگىن ايتىپ، اقىل-كەڭەس بەرگەن.

«جۇمىسسىزدارعا ميكرونەسيە بەردىك. ەكى سيىر ساتىپ ال، جاعدايىڭدى جاسا. ارتىق ءسۇتتى سات. باقشا ەك. قاجەتىن وزىڭە الىپ قال، قالعانىن بازارعا اپارىپ سات. بۇدان ارتىق نە كەرەك؟» - دەپ مالىمدەگەن نازارباەۆ.

نازارباەۆتىڭ مالىمدەمەسىنەن كەيىن الەۋمەتتىك جەلىلەر مەن باق بەتتەرىندە ەكس-پرەزيدەنت كەڭەسىن سىنعا الىپ، «ەكى سيىر» داۋى قىزۋ تالقىلانعان.

"The Qazaq Times"