قىرعىزستان ەكس-پرەزيدەنتى المازبەك اتامباەۆ ۇستالدى.

تامىز ايىنىڭ 7-ءى كۇنى قىرعىزستاندا المازبەك اتامباەۆتىڭ ۇيىنە ارنايى جاساق ساربازدارى باسىپ كىرىپ، ەكس-پرەزيدەنتتى ۇستادى. جەرگىلىكتى باق وكىلدەرىنىڭ مالىمەتىنشە، وپەراتسيا بارىسىندا 10-عا جۋىق ادام جاراقات العان. ارنايى جاساق ولارعا قارسى رەزينكا وق پايدالانعان.

قىرعىزستاننىڭ قازىرگى پرەزيدەنتى سوورونباي جەەنبەكوۆ پەن المازبەك اتامباەۆ ەكەۋىنىڭ قارىم-قاتىناسى جەەنبەكوۆ بيلىك باسىنا كەلە سالىسىمەن بۇزىلعان. اتامباەۆ بۇرىنعى پارتيالاس ارىپتەسىن "بيلىككە جاقىن تۋىسقاندارىن تارتىپ، كلاندىق جۇيە قۇردى" دەپ ايىپتاسا،  جەەنبەكوۆ ەكس-پرەزيدەنت جاقتاستارىن قىزمەتىنەن الىپ، بىرنەشەۋىنىڭ ۇستىنەن جەمقورلىق بابى بويىنشا قىلمىستىق ءىس قوزعاتقان.

"The Qazaq Times"