فوتو: sputniknews.kz

Cايلاۋعا بايلانىستى الەۋمەتتىك ساۋالناما جۇرگىزسەڭىز، جازاعا تارتىلاسىز.

باس پروكۋراتۋرا قازاقستاندىقتاردى سايلاۋ زاڭىن بۇزباۋعا شاقىردى.

«باس پروكۋراتۋرا كەزەكتەن تىس پرەزيدەنت سايلاۋىنىڭ ءوتۋ بارىسىن ءجىتى باقىلاۋدا. ونىڭ ىشىندە كونستيتۋتسياداعى «قازاقستان رەسپۋبليكاسىنىڭ سايلاۋ تۋرالى زاڭىنا» سايكەس، الەۋمەتتىك ساۋالناما جۇرگىزۋدىڭ تارتىپتەرىن باقىلاۋ دا بار» - دەلىنگەن ۆەدومستۆا ءباسپاسوز قىزمەتى تاراتقان مالىمدەمەدە.

بۇدان بولەك، باس پروكۋراتۋرا سايلاۋ تۋرالى الەۋمەتتىك جەلىلەردە ساۋالناما جۇرگىزۋ زاڭعا قايشى ەكەندىگىن ەسكەرتەدى جانە بىرنەشە ادامنىڭ اتالمىش زاڭعا سايكەس اكىمشىلىك جاۋاپكەرشىلىككە تارتىلعاندىعىن مىسالعا كەلتىرەدى.

«مامىر ايىنىڭ 17-ءى كۇنى «ۆكونتاكتە» الەۋمەتتىك جەلىسىندە ساۋالناما جۇرگىزگەنى ءۇشىن الماتى قالاسىنىڭ تۇرعىنىنا 120 باپتىڭ 3 تارماعىنا سايكەس 15 اەك (37 875 تەڭگە) كولەمىندە ايىپپۇل سالىندى. ءدال وسىنداي زاڭ بۇزۋشىلىق نەگىزىندە «Facebook» الەۋمەتتىك جەلىسىندە ساۋالناما جۇرگىزگەنى ءۇشىن الماتى وبلىسىنىڭ تۇرعىنى اكىمشىلىك جاۋاپكەرشىلىككە تارتىلدى» - دەلىنگەن مالىمدەمەدە.

قازاقستاندا كەزەكتەن تىس پرەزيدەنت سايلاۋى ماۋسىم ايىنىڭ 9-ى كۇنى وتەدى. قازىرگى ۋاقىتتا كانديداتتار سايلاۋ الدى ۇگىت-ناسيحات جۇمىستارىن جۇرگىزۋدە. ول ماۋسىمنىڭ 8-ىنە دەيىن جالعاسادى. 8-ءشى ماۋسىم - تىنىشتىق كۇنى.

"The Qazaq Times"