اقش مەملەكەتتىك حاتشىسى مايكل پومپەو ماسكەۋگە ساپارىن كەيىنگە قالدىردى.

"Reuters" اقپارات اگەنتتىگىنىڭ مالىمەتىنشە، مايكل پومپەو مامىر ايىنىڭ 13-ءى كۇنى رەسەي استاناسى ماسكەۋ قالاسىنا ساپارلاي بارۋى ءتيىس بولعان. بىراق ول بۇل ساپارىن كەيىنگە قالدىرىپ، بريۋسسەلگە ات باسىن بۇرعان. بۇندا پومپەو ەۋرووداق ەلدەرىمەن يران ماسەلەسىن تالقىلايدى دەپ جوسپارلانۋدا.

بۇعان دەيىن باق بەتتەرىندە اقش مەملەكەتتىك حاتشىسىنىڭ مامىر ايىنىڭ 12-14 كۇندەرى ارالىعىندا ماسكەۋ مەن سوچي قالاسىنا رەسمي ىسساپارمەن بارىپ، رەسەي پرەزيدەنتى ۆلاديمير پۋتين مەن ءسىم سەرگەي لاۆروۆپەن كەزدەسەدى دەگەن اقپارات تاراعان. كەزدەسۋ بارىسىندا تاراپتار ۋكراينا داعدارىسى، ۆەنەسۋەلاداعى جاعداي جانە قارۋ-جاراق باقىلاۋى جونىندە كەلىسسوزدەر جۇرگىزۋى ءتيىس بولعان.

اقش مەملەكەتتىك دەپارتامەنتى ءباسپاسوز قىزمەتىنىڭ مالىمەتىنشە، پومپەو پۋتين جانە لاۆروۆپەن 14 مامىر كۇنى سوچي قالاسىندا كەزدەسەدى.

"The Qazaq Times"