جالپىۇلتتىق سوتسيال-دەموكراتيالىق پارتياسى پرەزيدەنت سايلاۋىنا بايكوت جاريالادى. 

بۇگىن الماتى قالاسىندا جسدپ پارتياسىنىڭ قۇرىلتايى ءوتتى. قۇرىلتايعا پارتيا توراعاسى جارماحان تۇياقباي باستاعان وبلىستارداعى بولىمشە باسشىلارى قاتىستى. باس قوسۋدا پارتيا مۇشەلەرى الدا كەلە جاتقان پرەزيدەنت سايلاۋىنا قوعام قايراتكەرى، جۋرناليست ەرمۇرات ءباپيدىڭ كانديداتۋراسىن ۇسىنۋدى قولدادى. بىراق سەزگە قاتىسۋشىلار "پرەزيدەنت سايلاۋىنىڭ بۇرىنعى سايلاۋلاردان ايىرماشىلىعى جوق" ەكەندىگىن ايتىپ، "سايلاۋعا بايكوت جاريالاۋ قاجەت" ەكەندىگىن العا تارتتى.

ءوز كەزەگىندە ەرمۇرات ءباپيدىڭ ءوزى دە ءدال مىناداي سايلاۋعا قاتىسۋعا قۇلىقسىز ەكەندىگىن جەتكىزدى. ونىڭ سوزىنشە، 9 ماۋسىمدا وتەتىن پرەزيدەنت سايلاۋىنا كەزەكتى رەت بيلىكتىڭ قۋىرشاق كانديداتتارى قاتىسادى.

بۇعان دەيىن باق بەتتەرىندە "جسدپ پارتياسى پرەزيدەنت سايلاۋىنا كانديدات رەتىندە ەرمۇرات ءباپيدى ۇسىنباق" دەگەن اقپارات تاراعان. كەيىننەن پارتيا مۇشەلەرى وزدەرىنىڭ سايلاۋعا قاتىسۋ، قاتىسپاۋعا بايلانىستى شەشىمدەرىن قۇرىلتايدا شەشەتىنىن ايتقان.

"The Qazaq Times"