ارمان جەتپىسباەۆ. فوتو: vlast.kz

«سامۇرىق-قازىنا» جىلجىمايتىن مۇلىك قورى اق-نىڭ باسقارما توراعاسى بولىپ جەتپىسباي ارمان ءشارىپبايۇلى تاعايىندالدى دەپ حابارلايدى  «كازينفورم»، «سامۇرىق-قازىنا» ۇلتتىق ءال-اۋقات قورى» اق-نىڭ  باسپاسوز بولىمىنە سىلتەمە جاساي وتىرىپ.

«سامۇرىق-قازىنا» ۇلتتىق ءال-اۋقات قورى» اق ديرەكتورلار كەڭەسىنىڭ شەشىمى بويىنشا 2017 جىلدىڭ اقپان ايىنان باستاپ «سامرۇق-قازىنا» جىلجىمايتىن مۇلىك قورى اق-نىڭ جاڭا باسقارما توراعاسى بولىپ جەتپىسباي ارمان ءشارىپبايۇلى تاعايىندالدى. وسى جىلدىڭ 25 قاڭتارىندا قوردىڭ بۇرىنعى توراعاسى مامىتاليەۆ باۋىرجان مەرزىمىنەن بۇرىن قىزمەتىنەن كەتكەن بولاتىن.

جەتپىسباي ارمان ءشارىپبايۇلى  1971 جىلى دۇنيەگە كەلگەن. قازاق حيميا-تەحنولوگيالىق ينستيتۋتىن – ينجەنەر-قۇرىلىسشى، قازاق ەكونوميكا ينستيتۋتىن – ەكونوميست ماماندىقتارى بويىنشا ءتامامداپ،  ماسكەۋدەگى حالىقارالىق قارجى مەكتەبىندە (ماسكەۋ ق-سى.),  حالىقارالىق بيزنەس اكادەمياسىندا (الماتى ق-سى.), Inteconference LTD with participation of molans and anier municipalitiens (جەنەۆا ق-سى،  شۆەيتساريا),  Leadership Foundation fo Higher Education (لوندون ق-سى، ۇلىبريتانيا) جانە نازارباەۆ ۋنيۆەرسيتەتىندە ءبىلىم العان.

مەملەكەتتىك ورگانداردا، قارجى ينستيتۋتتارىندا، ۇلتتىق، حالىقارالىق كومپانيالاردا قىزمەت ەتىپ، ەكونوميكا، قارجى ساللارى بويىنشا ۇلكەن تاجىريبە جيناقتاعان.  وسى ۋاقىتقا دەيىن «الاۋترانسگاز»  جشس-ءنىڭ قىزمەتكەرى، وقو اكىمىنىڭ ورىنباسارى، شىمكەنت قالاسىنىڭ اكىمى، «كازكوممەرتسبانك» اق-نىڭ قىزىلورداداعى فيليالىنىڭ ديرەكتورى، «كازكوممەرتسبانك قىرعىزستان» باسقارۋشى توراعاسىنىڭ ءبىرىنشى ورىنباسارى، «وڭتۇستىك»  ارنايى ەكونوميكالىق ايماعىنىڭ باسشىسى سەكىلدى قىزمەتتەردى اتقاردى.  ال «سامرۇق-قازىنا» جىلجىمايتىن مۇلىك قورى اق-نىڭ باسقارما توراعاسى بولىپ سايلاناردان بۇرىن «كازاتومپروم» اق-نىڭ اتقارۋشى ديرەكتورى قىزمەتىندە بولعان.

«سامرۇق-قازىنا» جىلجىمايتىن مۇلىك قورى اق مەن  «سامۇرىق-قازىنا» ۇلتتىق ءال-اۋقات قورى» اق-نىڭ اكتسيالارىن يەلەنبەيدى.

“The Qazaq Times”