تاجىكستاننىڭ بەرليندەگى ەلشىلىگى گەرمانيانىڭ كۇش قۇرىلىمدارىنان توعىز تاجىكستاندىقتى قاماۋعا الۋىنىڭ سەبەبىن ءتۇسىندىرۋدى تالاپ ەتتى. بۇل جونىندە تاجىك ديپلوماتى سوحيبنازار گايراتشو مالىمدەدى.
29 ناۋرىزدا گەرمانيا پوليتسياسى 11 ادامدى ۇستاعان. ونىڭ 9-ى تەراكت جاساماق بولدى دەگەن كۇدىككە ىلىنگەن دەپ حابارلايدى Bild اقپارات كوزى. 1 ساۋىردە ولاردىڭ ءبارىن بوساتقان. بىراق كۇدىكتى رەتىندە تەرگەۋ جۇمىستارى جالعاسىپ جاتىر.
«گەرمانيا بيلىگى وتانداستارىمىزدىڭ ۇستالعانى جونىندە حاباردار ەتۋى كەرەك ەدى. ءبىز ديۋسسەلدورف بيلىگىنە رەسمي سۇراۋ جىبەردىك»، - دەپ مالىمدەدى تاجىكستاننىڭ گەرمانياداعى ەلشىسى. ونىڭ ايتۋىنشا، تاجىك ديپلوماتتارى بۇل اقپاراتتاردىڭ ءبارىن تەك ءباسپاسوز ارقىلى ءبىلىپ وتىرعان.
تاجىك ەلشىسى وتانداستارىنىڭ ۇستالۋىنا ەسسەندەگى وقيعا سەبەپ بولعان دەيدى. 19 جاستاعى تاجىكستاندىق جۇرگىزۋشى جىلدامدىعىن ارتتىرىپ، جاياۋ جۇرگىنشىلەر جولاعىنا شىعىپ كەتكەن. كەيىن ارنايى وپەراتسيا جۇرگىزىلىپ، 11 تاجىك ازاماتى تەرروريزم كۇدىگى بويىنشا ۇستالعان.
نەمىس اقپارات قۇرالدارىنىڭ حابارلاۋىنشا، ۇستالعاندار "يسلام مەملەكەتى" تەرروريستىك ۇيىمىمەن قاتىسى بار دەگەن كۇدىككە ىلىنگەن.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
قاراعايعا قارسى بۇتاق. دۋماننىڭ سوت تەرگەۋى اياقتالدى. 29 شىلدە ءجارىسسوز.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى