فيليپپيندە مورو مۇسىلماندارى اۆتونوميا الۋعا ءبىرتابان جاقىن

فيليپپيندەگى رەفەرەندۋم بويىنشا مورو مۇسىلماندارنىڭ كوشى ىلگەرى. بۇل تۋرالى رەسمي ەمەس باق وكىلدەرى مالىمدەپ وتىر.

ABS-CBN News ارناسىنىڭ اقپاراتى بويىنشا، ماگينداناو ايماعىندا اۆتونوميا قۇرۋ تۋرالى زاڭعا داۋىس بەرۋ كەزىندە 600 مىڭ تۇرعىن قولدايتىندىقتارىن بىلدىرگەن. سونىمەن قاتار، 9 مىڭنان استام فيليپپين ازاماتتارى ءوز قارسىلىقتارىن داۋىس بەرۋ ارقىلى كورسەتكەن.

ال، لاناونىڭ وڭتۇستىك ايماعىندا 503 000 مىڭ ادام قولداپ، 9700 ادام قارسى داۋىس بەرگەن. سونىمەن بىرگە، كوتاباتو قالاسىندا مورو مۇسىلماندارىنىڭ اۆتونوميا الۋىن 36 700 ادام قولداسا، 23 مىڭ تۇرعىن قارسى پىكىرىن كورسەتكەن. ،

1997 جىلدان بەرگى «بانگسامورو اۋدانىن اۆتونوميا رەتىندە جاريالاۋ» تۋرالى زاڭ كۇشىنە ەنبەي كەلەدى. فيليپپين پرەزيدەنتى رودريگو دۋتەرتە مينداناو ايماعىنداعى قارۋلى قاقتىعىستاردان كەيىن سايلاۋ وتكىزۋگە ۋادە بەرگەن. الايدا، ۇزاق جۇل ءوز اۆتونومياسىن الۋدى كوزدەگەن تۇرعىندار قايتا-قايتا نارازىلىقتارىن ءبىلدىردى. سونىڭ ەسەبىگەن 2016 جىلى اتالعان قۇجات فيليپپين بليلىگىنە ءوتىپ، 2017 جىلى زاڭدا تۇردە قول قويىلدى.

فيليپپين پرەزيدەنتى دۋتەرتە 2019 جىلى رەفەرەندۋم وتكىزۋ تۋرالى جارلىقتى وتكەن جىلى قابىلداپ، سايلاۋعا دايىندالۋعا شاقىردى. كەلىسىم بويىنشا، بانگسامورو بيلىگى قۇرىلىپ، شاريعات زاڭدارى ارقىلى قۇرىلادى. سول سەكىلدى اۆتونوميا جاۋىنگەرلەرى دە فيليپپين اسكەرىنىڭ قاتارىنا ەنگۋگە تولىقتاي مۇمكىندىكتەر قاراستىرىلعان.

“The Qazaq Times”