ۋكراينانىڭ مينسترلەر كابينەتى تمد اياسىنداعى ەكونوميكالىق ىنتىماقتاستىق جونىندەگى ءۇش بىردەي كەلىسىمنەن شىقتى.
بۇل قۇجاتتارعا ەكونوميكالىق اقپارات الماسۋ جونىندەگى مەملەكەتارالىق كەلىسىم، سىرتقى ەكونوميكالىق قىزمەت جونىندە اقپارات الماسۋ جانە سىرتقى ەكونوميكالىق قىزمەت جونىندەگى ىنتىماقتاستىق كەلىسىمى جاتادى.
العاشقى ەكى كەلىسىمگە 1992 جىلى مينسكتە جانە 1993 جىلى ماسكەۋدە وتكەن تمد سامميتىندە قول قويىلعان.
ءۇشىنشى كەلىسىمگە 1992 جىلدىڭ 15 مامىرىندا تاشكەنتتە وتكەن تمد قاتىسۋشىلارىنىڭ حالىقارالىق ەكونوميكالىق جانە قارجى ۇيىمدارىنا مۇشەلىككە كىرۋ جونىندەگى كەزدەسۋىندە قول قويىلعان.
ۋكراينا ۇكىمەتى مەن سىرتقى ىستەر ءمينيسترىنىڭ شەشىمىنە سايكەس، ەل بيلىگى تاياۋ كۇندەرى تمد-نىڭ اتقارۋ كوميتەتىنە جوعارىدا اتالعان كەلىسىمدەردەن شىققاندىعى جونىندە حابار بەرۋى ءتيىس.
2018 جىلدىڭ جەلتوقسان ايىندا ۋكراينادا 1997 جىلى قول قويىلعان رەسەيمەن اراداعى دوستىق جانە ىنتىماقتاستىق جونىندەگى كەلىسىمدى توقتاتۋ تۋرالى زاڭ قابىلداندى. ۋكراينا پرەزيدەنتى پەتر پوروشەنكو بۇنى «كيەۆتىڭ وتار بولعان وتكەنىمەن بايلانىستى ءۇزۋى عانا» - دەپ ءتۇسىندىردى.
ەرتاەۆ قايتا قامالعان كۇز: راقىمشىلىق «زاڭسىزدىق جارمەڭكەسىنە» اينالدى ما؟
تالعار تراگەدياسى: قىزىلقايراتتاعى قىلمىسقا قاتىستى جەتى ءىس قوزعالدى
تالعارداعى قاندى وقيعا: ءىىم-گە جولدانعان ساۋال جانە قوعام كۇتكەن جاۋاپ
تالعاردا تاعى دا قاندى وقيعا. پوليتسيانىڭ جاۋاپسىزدىعى ما، جۇيەلىك داعدارىس پا؟
ORDA حابارى، اقوردا رەاكتسياسى جانە سادىقوۆ ءىسى: نە بولىپ جاتىر، نەنى بايقادىق؟
سوزبۇيداعا سالىنعان جەتى تومدىق: قازاقتىڭ اكادەميالىق تاريحى قاشان جارىق كورەدى؟